係短暫回港之後，我地重新出發啦！而第一站就係Amsterdam ! Amsterdam 不愧係旅遊城市，咩都勁貴，同時咩都勁方便！ 以下既優惠亭就已可見一斑！放在酒店樓下，一張張好似大富翁的卡，每張都有唔同景點／商店的優惠。 初抵步，我地目標唔多，首先就係去下人地既市集 Albert Cuypstraat 睇睇！ 途中比我地遇到喜力馬車！！好有Feel呀！！！ 其實 Albert Cuypstraat 就係 Heineken 酒廠附近！不過依家太早啦，所以一陣再去參觀。 當我地剛去到 Albert Cuypstraat 既入口，就遇上一場冰雹。。。 神推鬼㧬下入左間麵包店避一避風頭。 天寒地凍下走入熱氣騰騰、香氣滿溢既麵包店，得一個選擇：食！ 陣雹一陣就停，我地又可以繼續啦！ 話時話，呢條Albert Cuypstraat 就好似Holland既女人街鴨寮街，咩都有！ 露天 dm！哈哈！ 行左陣後，就去下一個景點！ Experience the "Heineken Experience" !!! 有買Rijksmuseum門票既朋友係Heineken可以揀平兩歐或者一份記念品！正呀！ 入邊有好多Heineken既資訊同海報（好多都好Creative！） 啤酒廠其實唔係第一次去，上次去過 Okinawa 既 Orion，今次其實都大同小異，唯一唔同既係有更多體驗既機會！中間仲有一套釀製過程既動感影院TIM！ 呢杯係未加啤酒花的半成品，有點似甘蔗汁，都幾好飲 :) 仲有免費照相服務！（入場費包左姐。。。） 悶悶地又可以打下機，影下相，發下酒瘟 當然唔少得飲用方法既介紹啦！(簡單泥講，啤酒苦係因為白色個層泡，真正既美味其實只存在於金色部分，白色個層純粹為左保持啤酒既味道而存在，所以當個層泡無哂，或者被誤飲光，杯啤酒都好快會壽終正寢！） 飲酒都教得，斟酒又點少得！（價值兩杯試飲既份量！！） Cheers!! Prost!! 獲得一定既經驗值之後，Heineken 仲提供埋免費遊船之旅！！（咪又係入場費包左。。。） 其實呢程船既終點，就係市中心既Heineken專門店。至於消費與否，悉隨尊便啦！ 咁啱得咁橋，呢間專門店附近就有另一個跳蚤市場 Waterlooplein Market，當然又要去望望啦！ 沿途經過幾靚下既Nationale Opera & Ballet 而Waterlooplein Market呢。。。。。收哂檔。。。 Amsterdam 消費指數極高，好不容易先在 Rembrandtplein 附近搵到 D 平少少既餐廳，總算醫飽個肚！ 最後一站係 Stedelijk Museum Amsterdam！難得佢開到夜晚十點，啱哂六點就天黑，仲鬼死甘凍既 Amsterdam! 沿途見識一下晚上既 Amsterdam! Heineken Experience Rijksmeseum 滑雪場同冰壺賽！ 當然仲有四處可見既 I am sterdam啦！ 呢個museum主要係現代藝術，不過最令我地深刻既係塊乾淨到無論既玻璃，真係差點撞埋去，好彩無出醜姐！ LEGO X 動漫展！？緣慳一面。。。 以下既藝術品好簡單，同時亦好特別。驟眼是1973年既月曆，但細心下你會發現由9月11日開始，日子便開始持續顯示11日。有關9 月11日，我諗大部份人都會諗到美國既911襲擊。但1973既9 月11日又係咩一回事呢？對於智利人泥講，1973年9 月11日係一個時代既終結，因為係個日開始，佢地既國家正式開始獨裁統治，一直維持至1990年。望全呢件作品，我感受到個種心理上既滯後、時間既停頓，分裂點毫不講理既出現以至令人無法接受時移勢易。碰巧又是9月，2014年。 http://zh.wikipedia.org/wiki/1973%E5%B9%B4%E6%99%BA%E5%88%A9%E6%94%BF%E8%AE%8A
