香港除夕放煙花,就係幾村人迫哂o係維港兩岸,或者坐在屋企睇電視直播政府放既愛國煙火滙演。想試下自己放既人呢,就會到林村上水D村屋偷偷放(或者返大陸)!你又有無試過想點火個一下衝動呢? 係München,你既夢想係可以實現嫁! 因為呢度由除夕起三日都係合法放煙花!所以係前一個星期你就會見到D商舖放哂D煙花出泥賣。真係琳琅滿目! 「千頭萬緒的心中 已經沒有夢」 「我告訴我自己 不要衝動」 我地好克制(膽細),一支煙花都無買。不過大無畏的 Charlie & Ivan 就一早準備左一包比大家試下! 1 月 1 日我地就要暫別慕尼黑返香港,但除夕那天雪櫃還有好多野未食完。決定帶去 Silberhorn 煮除夕大餐。執下執下,都有成 3、4 KG...手都斷! 今日亦都係第一次在慕尼黑入戲院睇戲。UM... d 裝飾好特別。 睇完戲返去煮埋晚餐,係時候出去感受下慕尼黑 D 煙花了! 去Bahn既沿途,我地一直聽到煙花爆發既聲音此起彼落,而當我地到達Marien Platz既時間,係地底已經可以聞到濃烈既火藥味。戰場就正正係Rathaus前展開! 天空不停被地面發射既火箭攻擊,間唔中仲會見到火箭橫飛,或者係地面炸開,真係覺得自己好似變左戰地記者咁,一邊擔心自己安危,一邊拎著相機捕捉影像。 講靚,當然同香港既煙花滙演無得比,但個種喜氣歡騰既感覺真係有過之而不及! 「燦爛的煙花也是一場空」 除夕之後,就係新年既開始,亦係我地上機回港暫別歐洲既日子。 回顧2014年,簡直好難相信一年之內原來可以發生甘多野。 無論係出發前定出發後,我地都擁有左好多新既經驗、體會同諗法。 2015年呢,期待嘛~~~~~ 「說不出的牽掛 說不出的情話 埋藏在我心裡融化 再見你的日子 漫天的煙花 去年的變化 去年煙花特別多」