第一次在外地過白色聖誕,感覺好新鮮,er....不過其實都係成班香港人一齊過 XD 聖誕一連幾天公眾假期,無論為了日常生活還是 party 需要,最重要係記得較好時間去超市入貨 (因為肉類蔬果太早買落又驚過期變壞)! 24 Dec 沖沖今日只需返半日,重抽左一盒健康食品返黎!下午食左個急凍蝦粟米仔金菇紫菜醬油湯底的豪華烏冬 ( 其實只係小老闆紫菜浸湯,不過係意料之外的好味!) 晚飯後出了 Marienplatz 參加子夜彌撒,本來想去慕尼黑地標、有 2 個塔的 Frauenkirche 聖母教堂,不過真係太多人(其實間間教堂都好多人),只可以站在門口位食風。最後我們去了 St. Michael Kirche。在歷史悠久的教堂中,聽著 Organ 同弦樂奏出的德文版平安夜(聞說呢個係平安夜既原版tim!!),氣氛好神聖。彌撒後人群好滿足咁離去,街頭有人彈下結他,大人細路老人家圍在百貨公司的聖誕櫥窗,看看那些好似森林家族的動物裝飾,一個簡簡單單但好 warm 的平安夜。 25 Dec 訓醒無耐就帶齊食材(焗雞加零食)去打擾 Silberhorn 的朋友,食下薯片講下八卦野玩下牛頭王大話啤,齊人就開始煮聖誕大餐,好豐富! 飲飽食醉我地還是賴死唔想走,最後玩到點幾先捨得返屋企(最搞笑係用人地個名玩心臟病!)。 就在這晚,慕尼黑就正式開始下雪了!(然後我們這班香港大鄉里就在 whatsapp group 大驚小怪同埋表示好開心!哈哈!) 26 Dec 話說尋晚 party 食剩左好多野,Charlie 今日又要返工,所以我地今日又去 Silberhorn 繼續食埋佢。除左食同玩啤牌,我地重整埋本來諗住尋日 party 整的香蕉鬆餅同腐竹糖水!點解無 lala 要整香蕉鬆餅呢?因為見到個食譜好似好簡單,只要蛋加蕉就 OK,點知愈整愈唔對路,唔識杰 ga ?! 一查之下發覺原來中文版食譜俾人簡化左好多,但係都開始左,唯有試下隊落鑊。 第一塊!Amoeba 咁樣。。。 在我同 Niann 悉心照料下,呢D咪就係女大十八變囉! 重要係咁幫佢影寫真 好正的下午茶,不過整左成個鐘,最後 1 2 3 大概兩分鐘就食曬。 食飽飽就走出門外的花園玩雪 :) 再煲埋個腐竹糖水先捨得返歸! 27 Dec 公眾假期已經結束。但重未玩夠的人們。。約定今晚放工再玩過!由於 D 野食得 7 7 8 8 時,大家都好乖咁在各自的分店帶好多薯條漢堡包小食返黎。聽住無限 loop 的 "Lonely~ I am so lonely~",一邊玩一邊傾心事。大學後都好似好耐未試過通頂了。 28 Dec 5 條友得 Charlie 要返工,晨早已出了門口,勁!其餘 4 人,又係在飲飲食食同啤牌之中消磨時間。到 Charlie 十點幾放工返到黎,重要玩多陣先捨得返去我地當時 Pasing 的屋企! 重溫返呢幾日的節目,真係好玩、好開心、好飽同好累! (同埋好熱氣!食左勁多薯片薯條!)