諗諗下,Dresden 可以話係聖誕之旅既頭盤,份量唔多,但有強烈既點題作用。而 Praha就係今次既主菜。不過開始上菜之前,有一段由 Dresden 到 Praha 火車上發生既小插曲: 由於我地崇尚 Just in time,當然會用盡上車前既一分一秒遊覽,但結果係上車後發現無連位坐!原因係班車本身就不設劃位,而同我地一班車既人亦好多,結果我地唯有分頭搵位啦。我同郭小姐有幸先搵到座位,而對面位哥哥仔咁啱係一個人坐,隔離仲有個空位,我望望前面個卡好似又有空位,就膽粗粗叫哥哥仔換一換坐啦!點解係膽粗粗?因為人地仲有幾件行李跟身。。不過佢好好人肯換,咁我滿心歡喜甘叫Charlie Ivan一齊坐啦!點知係哥哥執緊野既時候,我發現我諗住同佢換個位係 Reserved !但好彩比我係再前一卡搵到個卡窿三萬位,唔係就點左人食炸糊!而係另一邊廂既 Charlie Ivan 就係車廂中比人Block住左過唔到泥,蹭磨左一陣後決定落車另一邊入口上。講到呢到,大家會聯想到下一幕嗎?係啦,就係一落車架車就準備開啦!話左 Just in time 嫁嘛,而且你知德國人幾守時嫁啦!其實我見到佢地落車既同時,塞住既人群一湧而散,而車上既職員攞住塊牌行去車頭就心知不妙!我一邊同佢講我有朋友剛係另一邊 END 落車過泥,另一邊就見到Charlie同Ivan係窗外奔跑,然後係車門前被職員截停唔比上車。個畫面就好似人地拍戲,一家人要坐車逃走,但有d上到車,有d上唔到,係月台分離一樣。不過好彩,係車上車下既苦苦哀求之下,佢地都成功上車!夠哂驚險!如果佢地最後無上車,真係幾頭痕,因為所有車票都係Ivan手上。。。。。點都好啦,最後都係順利到達Praha ! 出站無耐就見到大大個哈維爾掛左係市政廳前。 哈維爾係邊個?Václav Havel 係前捷克共和國總統,亦係當年布拉格之春既代表人物之一,基本上可以話係捷克既人民英雄。有興趣可以去Wiki了解多d~~ http://zh.wikipedia.org/wiki/%E7%93%A6%E8%8C%A8%E6%8B%89%E5%A4%AB%C2%B7%E5%93%88%E7%BB%B4%E5%B0%94 由於 Praha 用既貨幣唔係歐元,所以我地不斷打價,為求格到最優惠滙率! 雖然Praha唔算好大,但搵路既情況不斷。 同時搵食情況亦都不斷(難得聖誕多市集呀嘛) 甜甜的 Honey Gluwein 題外話,Praha d 燒肉店標既價格係逐 gram 計,大家小心啦! 市集唔算好大,不過氣氛好好! 市集附近就是傳說中既魔鬼教堂 (Kostel Panny Marie Pred Tynem) 係遊歷既途中,我地發現有間教堂當晚有一場聖誕既古典音樂會,又幾特別WOR! (聖誕+音樂+教堂)* 學生優惠 =有得諗! 當日既古典,除左最出名的 "四季"之外,其他大家都唔係太曉,但音樂環繞教堂傳來個種神聖既感覺,令我了解到受到神感召會係咩一會事!(只係了解到,不過無感召到,唔好誤會) 享受完靈魂既晚宴,又係時候滿足肉體既需求啦!份量十足,3 個 main dish 就夠食飽 4 隻餓鬼! 雖然有d難以置信,但成餐最令人驚喜係杯梨汁! 待續。。。