http://www.cp1897.com.hk/product_info.php?BookId=9789882162471 好神奇,睇左咁多年書,這本書竟然令我想寫下讀後感。 這本書係淫 bear 好耐之前借俾我,因為係超短篇,所以睇下又會放低,睇黎睇去都睇唔完。直到今次在慕尼黑回港的短短一個月,除了與不同親戚朋友食飯煮飯都無乜其他野好忙,所以的起心肝重新開始 KO 呢本書,順便還返俾淫 bear ! 本書由 A 至 Z 介紹左好多英文單字,有D未見過,有D成日見,但當中的註解同小故事都一樣新鮮有趣。令我好有感觸的就係以下兩個字: (但事隔 3 個月,其實印象開始有點模糊,所以下次有咩真係要寫低左先!) 1. Mediocrity um... 呢個係屬於我之前未見過的字,失禮失禮。。。意思係平庸。呢篇大致內容係話無論大事小事都好,只要用心做就唔係平庸。就算看似不重要的工作,都需要用心做,才會做得好、做得專業。 要提醒自己,當人地用心做一件好微小的事或者工作,都要識得欣賞人地的努力。同樣地,當今日你未做得成大事,只係做緊 D 看似微不足道的事,都唔好看輕自己。 就好似打散工時,曾經見到人不停將成幢酒店的房門開關開關無數次,再調整下D "較"位及其他我睇唔明的工序。好似重覆無聊的事,卻可以令度門開得順關得靜。如果做小事時肯認真用心,到有機會做大事時,我估衰極有個譜掛。哈哈。又或者換個角度諗,應該由生活各項小事開始培養好習慣。 不過感觸還感觸,還是要繼續不停鞭策自己,有 D 野諗通左,都要做出黎至得。 2. Enjoy ? / Weekend? / Holiday? / Leisure? 唔記得係解釋邊個字了。篇文的內容係講咩野叫做 enjoy your weekend / holiday,點樣去消磨閒暇時間。讀呢篇文章時正值剛在外國生活了半年後,而寫呢篇文章就係正值在 Laim 呢個悠閒社區生活(度假)中,所以特別有感覺。 在香港,難得放假就會搵D野做,安排下活動俾自己,行街睇戲食飯唱K,人多擠迫,消費,去郊外探索。在慕尼黑住我們附近區的人,娛樂小過香港,放假會去公園睇花,坐在露台曬太陽,睇住樓下 D小朋友在草地踢波野餐,去湖邊、上山,父母推住BB車跑返 10K。。。可能真係空間大D,娛樂又無咁豐富,(um...同埋唔想消費,我認),真係會有閒暇同心情坐定定飲杯熱朱或果汁(還是未習慣/唔中意飲啤酒同咖啡),睇下書彈下 ukulele。 enjoy 呢邊的 holiday,仍然懷念熱鬧的香港,只係原來好多野都有好多可能性!