玩了個半年月，我們又回到慕尼黑，再次入住 Hohenzollern 大街。 我地有兩個關符生死既重要任務 - 搵工同搵屋！眼下剩餘既資源就係一個月既生活費加租屋押金，而且住到九月十九日又要搬屋 byebye，大概還有三星期讓們找新的住宿。 每日既生活主調就係上網搵工搵屋，其他時間就係跑步、煮飯、自學ukulele、自學德文，多餘消費可免則免。 友情客串 好感動呀!(唔係個靚景, 而係我跑左上泥啦!) 搵屋方面，當然越平越好，但慕尼黑既樓價真係唔講得笑，特別係 Oktoberfest 即將緊接而來 (屋主就係要留房接待佢班朋友所以唔可以繼續租俾我地)，雖然無香港甘貴，但一人住既既WG(共租)都要€400起跳，平均都要€500人 -€600，甘我地兩個人，大家有數得計。而最不解既既地方係明明單人房有成19，20平方米既大細，就硬係話Sorry我唔會租比你，因為唔可以住兩個人。WG都仲可以理解，但何解連獨立房想加錢租都唔得呢？真的想不透！好努力send email 搵屋，除了rejection 就是一大堆想呃錢既 reply，話自己在英國/杜拜乜乜乜，你俾左按金就有agent 帶你睇屋。不過，在搬遷之日前兩天，我們在開元網找到奇蹟！順利租到接下來三週的住宿。對，只是三週，漂泊生活仍未暫停。。 而搵工既情況略比搵屋好，因為郭小姐成功搵到餐晏仔！而呢餐晏仔其實都幾神奇！由於我地目標係做當地既文職工作，了解一下當地職場文化都好呀！奈何唔識德文令我地既選擇極少，雖然有時都有機會in 下，但這些機會。。。然而，世事就是如斯奇妙！因為郭小姐日日蒲開元網，竟然搵到份中文翻譯的散工！郭小姐英文係唔錯，但佢要做既係德文譯中文！係不諳德語既情況下可以搵到德語翻譯既工，你都咪話唔神奇！不過做得成呢份工，勇氣，毅力同經驗，少一樣都唔成事呀！首先要做兩大頁功課交俾對方，用左全日不停查字典 fine tune 啲用字，結果對方好滿意，除左有野做下，重識到一個幾好傾的女仔 :) 搵工搵工 PARTIME進行中 而我，直到搬走都顆粒無收，只係做左份report出街等通知。無野做的時候又係煮下飯、彈下 ukulele，都算有啲進步，學識了陳綺貞的魚和旅行的意義！ 失業時間在慕尼黑不想太多消費，還有一些免費或很廉價的活動，其中一樣就係行美術館！在市中心 Konigplatz 附近有四個美術館：Alte Pinakothek ~ Neue Pinakothek ~ Pinakothek der Modern ~ Museum Brandhorst 逢星期日只收一歐入場費！而 Pinakothek der Modern 更係逢星期三免費！絕對值得參觀下！ 在 Hohenzollern 前前後後住了超過一個月，這裡其實真是一個很好的地域。環境幽靜，樓下係馬路但都可以一教訓天光。附近有好多超市，樓下有麥記(雖然無食過)，可以步行到奧運場地 Olympicpark，行半個鐘就可以去市中心 Hbf，途中重有一間日本人開的正宗拉麵店！呢度靜中帶旺，可惜價錢都唔慌平，不過總算住過下，留下左好多美好的回憶 :-)
