今天很神心地早早起床，為的就是在早上九至十點的時段再次光臨老書店拍餐飽。九點準時到達已有廿幾人在排隊，每次放十幾人，入到去個氣氛都幾搞笑，大家都爭取時間做model 做龍友，一秒一個post 三秒一個新角度，分秒必爭！ 點擊圖片放大 閒逛了一會就去左屋主推介Porto 食 Francesinha 最好食的餐廳，叫 Aviz 。尋日都黎過，不過星期日無開。望落去同之前食果件差不多，但個汁就再惹味同辣啲，係好食啲！ Francesinha 的內部結構。。 諗住叫杯果汁無咁Dry，點知叫錯了一碟 Kiwi....成日在超市見到要 € 0.5 一隻，唔捨得食，今次就豪 €2 食返隻啦！ XD 之後返歸執包袱，執完去對面街食個地道葡式碟頭飯，€5 有飯、雞、薯仔、湯、咖啡、啤酒，味道一般啦，不過好抵！之後就搭火車去 Coimbra！ Coimbra，99%中文旅遊網站都譯做 孔布拉，但如果你照住中文譯音撞返個音讀出黎，大部份葡萄牙人都唔知你講咩。正確讀法應該係 〝 Cream不要R捲舌音 、巴、啦〞！ 在Coimbra 兩天住€10/晚的 Airbnb，是全個 trip 最平的一間，房細細有點舊但住兩晚絕對ok！還有露台，因為在山上，景色都幾靚！ 然後又是漫無目的地在城中到處逛 呢個在街頭拉小提琴的小朋友好有 feel，一邊拉一邊扎扎跳好輕快，重會一邊扮鬼臉！引黎好多人圍觀！點擊圖片放大 +2 周街好多小糕點，買左啲試下。呢件pastel de tentugal有椰絲，感覺似係澳門連鎖餅店都有賣果啲，但又講唔出似咩。。。 這個像意大利的聖誕蛋糕，好多好甜的果乾 呢舊白色大便狀的甜點應該好地道，間間餅鋪都有賣，但店員話only用蛋白同砂糖做，係very very sweet，暗示我地唔好試！XD 呢個包好似好好食喎，個名又寫住 咩咩 de Coimbra，應該好地道，重有車厘子乾，買個返去聽朝做早餐先！ (後記：第二朝咬了好幾啖都唔覺有車厘子乾，原來。。。是一個好大好大的餐包！) 行行下見到個廣場搭緊台、set緊咪，一八之下原來呢幾日係洋蔥節 Feira das Cebolas! 夜啲重有表演！唔怪得咁多人在呢度賣洋蔥 XD 咁我們就順便在呢度食晚飯等開show，由九點等到十點半先開始，爭啲以為俾人 fake 左。 話劇、唱歌加跳舞！好熱鬧！ 晚上的 Coimbra 很迷人，街燈映照牆壁街道，四周都染成金色。 晚上十二點橫街竟然有 band show ... 住樓上的人真係唔使訓 民宿露台的夜景，晚安。
