每天，我們都要花大概二十分鐘有多的時間，由住所步行至市中心。來來回回，也挺花腳力！但不知何解，我們還是為自己安排了這樣的行程。可能真的是〝只要有手又有腳我地駛乜死〞。。。 Porto 的第三天，有個好消息： Museu de Serralves 星期日早上免費入場！！呢個Museu de Serralves原身係當地富豪既渡假屋，但後來改變用途作藝術發展，現包含美術館，渡假村同休憩公園的功能於一身，而且佢亦係Art Deco 既代表建築，被視為Porto既重要地標之一。但去之前，我地重有一個景點：Casa da Mûsica. 呢到係類似文化中心演奏聽既地方，無表演基本上唔開放，但屋主朋友既建築師老婆話呢座建築都係極具代表性，反正順路，一於去外圍望望啦！ Casa da Mûsica 點擊圖片放大 +2 感覺唔到佢獨特之處，所以影得唔係甘好。。。。抱歉。。 由Casa da Mûsica行去Museu de Serralves的路途大至上都係一條直路，但無啦啦臨到入口轉身射左個三分波，結果就係炎熱既天氣下，望住建築物既外圍兜兜轉轉，最後攪左成大半個鐘先執番個波，搵到個入口。 Museu de Serralves 點擊圖片放大 +2 户外花園 熱死辣辣行無蔭既花園真係好攞命，而特別展覽個d探索性既藝術品，就好似聽佢作故仔一樣(你話咩就咩啦。。。)，不過常規館都值得參觀一下。都係個句免費泥就最抵啦！ 甘熱既天氣，最好就係去海灘啦！雖然我地無得落水，但睇下都好呀！ 原本諗住路程有點遠，不如搭車算。但行行下，條路一直落斜，沿途有蔭都唔錯。不知不覺又行到海邊啦！ 點擊圖片放大 海灘人唔太多，亦唔算靚，不過海風猶如冷氣一般清爽，加上陽光既沐浴，正呀！ 然而，享受完就係地獄既開始！少年們心想，我們就這樣沿著海岸線，伴著柔和的海風回到城中心。途中如找到屋主介紹的好餐廳，也一嘗當地佳餚。少年還是太年輕了。海風隨海洋入河便漸漸消退，但刺熱的陽光則依然放肆。樹木，只是零零碎碎地如電線桿豎在路邊，任由烈日向少年施壓。對岸的馬路盡是破破舊舊的民居，餐廳似乎是妄想。連日來的疲憊漸漸浮現，但馬路除了計程車，便是私家車。貧窮的少年們沒有選擇，只有默默步行。 其實有tram既，不過當時已經迷迷糊糊了。。 經過多個小時(心理時間)的煎熬後，我們找到了曙光！！橋底！ 以及被屋主評為全Porto最好食既Pizza 店！(都幾好食嫁！而且仲有靚景tim!) 點擊圖片放大 +2 差一差電後，我地就去左今日最後一個景點C.Português Fotografia. 原本想沿途去埋Palácio Cristal, 但又行錯路，加上我地都無力再找尋，毅然放棄！ C.Português Fotografia係一間攝影學校，裏邊有好多影展既得獎作品，同學既畢業作以及不同年代既相機型號給予參觀。相機發燒友必到呀！！ C.Português Fotografia 最後當然係行返屋企啦。(點解要甘做！？) 總結一下，除左由屋企去Casa da Mûsica係搭車以外，其他全部係搭11號。11號車除左會行錯路同會攰到抽筋之外，真係唔錯嫁，而且仲免費tim, 大家不妨(要)一試！！ P.S: 齋呢個圈都15 KM, 仲未計行錯路，行美術館既腳力，以及酷熱天氣。 P.S 2：Museu de Serralves係十分大，我地只係行左三分二既面積。。
