(試下改變形式，以日記形式逐日寫、仔細啲！) 晚上十點多抵達波圖，乘 metro 到 Faria Guimarães 站，尋找有 120 年歷史的大屋 (即係今次的 Airbnb ) 迎接我們的是屋主的朋友 Tiago和他的老婆，悉心介紹屋中各處和 Porto 景點、美食，對我們兩個無做功課就出發的人很有幫助！ 120 年的大屋有三層半，因為剛裝修過，內部一點都唔殘舊，重好 stylish ! 我們住地下呢層，有廳有房，好舒服好靚，還有情調燈仔(不過影完呢張相之後都無再開過 XD) 兩樓有飯廳 客廳 超喜歡這個廚房！ 我們經常說，每個 airbnb 的家讓我們對家居佈置的品味又多了一點認識！住咁靚的屋，重要包埋早餐，兩個人才廿幾歐一晚，好抵！！ 又餓又要去超市買乾糧，剛到埗唔熟路好彩 Tiago車我地出去。超市旁有間酒吧，見到唔太貴就坐低了！ 點了 Porto 最出名的美食 Francesinha 和一支 port 酒。 酒很好，易入口但餘韻十足。Francesinha 算是屬於三文治類，由上以下大概是煎蛋、芝士、漢堡扒、煙肉、火腿、麵包，再淋上有點似鐵板餐燒汁的小辣汁，點薯條好好食！我們形容 Francesinha 是能量食品，兩個餓人 share 一份都夠飽！除了有點點滯，其實口味都幾 arm 香港人。不過我們想不到如果引入香港賣，應該當作早、午、晚哪一餐賣呢？結論是放到時新快餐店，與炸肶薯條一齊賣，好arm feel！
