點擊圖片放大 在香港定行程時，刁兄找到些資料說 Burgos 是個值得一遊既地方，所以在 Bilbao 和 Madrid 中間加插了兩天。充滿期待的坐著火車，但愈接近感覺愈唔對路，不是說城市很美麗嗎？不是說這是很多旅客到訪的城市嗎？不是說有一座 Cathedral 在市中心、幾乎任何角度都看到嗎？迎接我們的卻是一片空曠田野、小貓一兩隻的火車站，該站下車的只有寥寥數人，巴士站沒有巴士沒有站牌，實在始料不及！後來才知是為配合城市擴展而把市中心的舊站搬到市郊，難怪火車站旁邊的建築物設計都很新穎。 反正摸摸下我們還是去到城中心，碰巧今日係 Cathedral 免費入場的日子，就排隊參觀左先。非常宏偉，外表顏色比較樸素，但內容非常豐富。 睇過咁多教堂，好少見用呢種風格畫耶穌受難 拱門Arco de Santa María 呢兩晚去的 Couch surfing 位於 Burgos 旁的小鎮，名叫 Abillios，每日只有四班巴士來回市中心。巴士沿途看到好大片向日葵花田！好靚！ 基本上已經不是 Couch surfing 了，因為有房有床，重要靚到成個 IKEA display room咁 ... 在巴士站首先遇到的不是主人家Ana 和 Aracho，而是她們的鄰居，她聽說今天有人會黎去 Ana couch surfing，就在車站搵我們，帶我們搭車重幫我們俾埋錢！好好人！Ana 和 Aracho 都好 nice ! 煮左 Burgos 特色肉腸 morcilla (有米的豬血腸！)做晚餐招呼我地、教我們用西班牙茶壺 Porrón 飲 party drink Calimotxo (即係可樂溝紅酒！) 、玩 card game、車出車入、帶我們行去睇向日葵花田，我們還認識了一班當地的小朋友！佢地在我們煮晚飯時入黎搞搞陣，搵我們練習講英文，好鬼得意！ 向日葵都很害羞，低頭唔見人！ 之後兩日去的景點不太多，悠悠閒閒，去了城堡遺址，深入地底睇過內戰時的秘密通道！ 城堡附近還有一個好靚的觀景台！雖然位置唔算高，但Burgos既建築物普遍得四五層高，所以高少少既地方已經可以睇哂全景！(平時係城中都可以望到遼闊既天空，超正！)我地還在那裡自製 Pintxo！我地買 Jamon 的鋪頭都幾好，介紹兩支酒又平又好飲，不過我們覺得黑毛豬 Jamon Iberico 有啲似金華火腿 XD 其實食普通啲 平啲 ga Jamon Serrano 都已經好好食 有一個早上去了參觀修道院 Monastario de Las Huelgas，印象最深刻是當天的天氣，在屋內看陽光非常燦爛，感覺超熱；但原來在街上是好凍好大風！估計錯誤只著了好少衫，結果要係咁搵陽光曬到的地方行才可取下暖！這兒的天氣真的不可靠估！！ 其實係凍到騰騰震！ 另外又去左人類進化博物館，資料感覺很詳盡，但我們的基本知識較差，很多資料都睇唔明。個館主要介紹城外一個成功發掘史前人類的遺址，不過時間緊迫今次去唔到參觀。 這個 host 每次都和 couch surfer 影啲特別相做紀念，我地在佢地花園玩住影左幾張！ 又一次愉快的經驗 ：)
