係Hans既大力推薦之下，我地展開左第二次既一日遊。而今次既目的地就係歐洲第三大既lake of Constance (Bodensee)啦！！ 以下係是次既行程：Überlingen -> Birnau -> Meersburg -> Konstanz 一日去哂甘多地方都係€27，Baden-Wurttemberg ticket真係抵玩！但第一程車由Leibertingen去Überlingen係由Hans既鄰居Herr Volker送我地一程， 因為佢都係去個度返工，而途中佢仲要送佢個寶貝仔返幼稚園。而呢間並唔係一間普通幼稚園，而係森林幼稚園！即係教室係户外同d花花草草羊咩咩一齊上堂，每星期仲會行兩次山或户外活動，目的係想小朋友同大自然增加接觸，了解自身同大自然，以至世界既關係。雖然係呢到上堂唔會學多兩句英文，識多兩條formula, 但我覺得對小朋友既發展，特別係對待世界既意識上有更好既發展。學術上既知識，以後仲有好多時間學，但意識同想法固定左，日後就好難改變。望住小Volker好開心甘點頭表示返學好開心(佢比較怕羞，唔肯講野)，我戥香港既幼兒感到可惜，因為佢地無呢個選擇！ 大小Volker 見識完德國既森林幼稚園，我地終於抵達Überlingen啦！ 講真，我係網上真係搵唔到呢到有咩景點，但Hans一再推介，而且人都到左，就四圍行下啦！結論係真係無景點，不過就好靚，都應該到此一遊既！ 點擊圖片放大 +3 難得唔洗比錢買既citymap! 奇奇怪怪噴水池 嘆番件係Leibertingen帶呢既蛋糕先~~ 離開Überlingen 之後，我地去左探訪位孤獨老人。佢就係位於Birnau既小教堂啦！呢位老人其實唔算孤獨，因為有好多人因為佢既風光而慕名前來。但點解話佢孤獨？原因好簡單，因為從前附近範圍只有佢一座建築物，即使時至今日，附近都係得一兩間餐廳同個巴士站，停車場。佢就係甘一直屹立係山邊眺望Bodensee。除左佢有優美既環境之外，教堂內華麗既巴洛克設計更令人目定口呆。但由於內部嚴禁攝影，所以我地都無法展示比大家仔細欣賞。綜合總總因素，我地個Host形容佢係Real pearl of Bodensee實不為過. 點擊圖片放大 +2 驚艶外洩！入內真係仲精彩，可惜！ 拜訪完呢位高貴既教堂後，又係時候拜埋五臟廟啦！由於Binau既獨特地理環境，我地轉移戰線到Meersburg! 有關Meersburg, 我覺得佢完全係一個旅遊城市。一切都好為左旅遊而設：種類不同且為數極多的博物館，古舊又極為標誌性的城堡，高低不同且層次豐富既觀景位置，隨處可見的餐廳和禮品店，最後當然還有明媚既湖景，畢竟佢係今日既主菜嘛！Anyway, Meersburg真係三步一景，總會令人覺得會轉角遇上愛，所以最後行左成個鐘先肯搵個地方坐定定食飯。 點擊圖片放大 +3 途中見到Zeppelin! 即係甘，係甘優美既歐洲旅遊城市食飯，無理由唔學下d歐洲人坐係室外，望實個湖景食晏嫁？(猛然醒起當日入hall望住科大既海景有幾令人心曠神怡，心中暗想未來三年要多多珍惜，但最後既注目禮亦係當日完成。。。)但大家都明，好位難求。同時，傳聞Bodensee既魚好矜貴，而只有少量餐廳提供該湖出產既菜餚，所以最後又花左大半個鐘先搵到。。餓死人咩。。。 點擊圖片放大 +4 Mittagessen! 飲飽食醉就坐船船過Konstanz! 呢程船係正到無倫！柔和海風，清新空氣，溫暖陽光，仲要可能走左數無比錢！事緣臨上船想買票，但工作人員又話上左船會有人搵我地比錢。等下等下，又落船lu，而且仲要無查票。。。甘唯有。。繼續旅程！ Konstanz, 唔。。。我諗我地由呢到開始既話，呢到會精采d law.. (實情係呢篇太長而又無咩特別好講了。睇相吧啦！) 點擊圖片放大 +4 資料補充：Konstanz曾經係類似梵蒂岡般的宗教神地，但最後因戰亂失去其地位。 上圖其中一張代表Konstanz既女雕像左右手分別持有國王以及主教，當時地位可見一班！ http://zh.m.wikipedia.org/zh/%E5%BA%B7%E6%96%AF%E5%9D%A6%E8%8C%A8
