出發前在香港查過有關 helpx 打工換宿，由於好奇、加上去西班牙旅行前有兩星期空檔、再加上可以慳返啲租屋食野錢，就找了一個在 Leibertingen 的 host. Leibertingen 係邊？唔識講，我更一直誤會是等如黑森林，睇返地圖才知道只是比慕尼黑更接近黑森林 XD！ 由慕尼黑去 Leibertingen, 我們先坐巴士到 Ulm, 再轉 IRE 去 Beuron, 再由個 host接我們到 Leibertingen 點知買飛時沒看清楚，原來在 Ulm 的轉車站，相隔好遠，Googlemap 又點我地行高速公路，好彩有當地人帶我地去 Ulm hbf :-) 在今天之前從沒聽過Ulm 這個地方，在短短的兩個鐘轉車時間中，我們拿著大包小包走到最顯眼的地標-- Ulm 大教堂--參觀一下。 Wiki 了一下，原來Ulm 在二戰時被猛烈攻擊，幾乎整個城市都被夷平，但唯獨教堂絲毫無損！教堂內部裝飾很特別，有很多圓盾牌，有一對簡約主義的彩色玻璃窗。遺憾時間太少，無得行上塔睇真啲，希望有機會再黎過！ 個host 接左我地到農舍，嚇一跳，因為真的有點簡陋，究竟我們頂唔頂得住呢。。晚飯前他帶了我們去草原看今天下午剛出世的小牛牛。。見到牛媽同牛仔黏黎黏去，好warm! 今晚起我們就住在閣樓了。明天一早要七點起身做〝姑呢〞了！
