琴日由於中途遇上Lenbachhaus, 又要趕去超市入貨(超市都收八點！)，所以最後都無去到Deutsches Museum。不過唔緊要，我地今日再去過！ 一路行返琴日經過既路線，一切都有種熟識既感覺，所以眨下眼就去到琴日既尾站Hauptbahnhof。其實呢個位置係市中心，前兩日都有泥過，但今日我地突然發現一座之前無為意既小教堂，於是乎就入去參拜一下。 真係好小。。。但裏面既一個雕像就令我地認識到一段英勇既故事； http://en.m.wikipedia.org/wiki/Rupert_Mayer 原來呢位father Rupert Mayer 係慕尼黑一位被封聖既神父，曾經係WW1既前線擔任牧師，仲因此喪失左一隻腳。及後係WW2又因為鼓勵信徒反抗Nazis而被多次送入集中營，而最後Nazis甚至驚佢會以殉道既形式死係營中，所以改為軟禁係修道院中。而教堂中亦有一個有關佢既展覽，but all in Deutsche... 旅程繼續，但好快又停左落泥，因為我地不知不覺入左慕尼黑一個大型市雜！ 點擊圖片放大 +2 由於時間開始緊迫，所以大約行過，隨便看看就算，點知又遇上猶太博物館，今次亦只有影影相再留待下次參觀。 向前向前，五分鐘左右後終於見到Isar river. Deutsches Museum就係係佢既小陸洲上面嫁！但入到館時，售票處已經關門大吉，原來已經成四點半，所以最後決定行行museum store, 今日就當係探路啦！不過根據係store既觀察所得，好有機會係類似科學館既物體。似乎要做多d research先再去好d啦! 點擊圖片放大 +2 是日晚餐： P.S 1：今日不經意穿過European patent office, 甫入門口發生以下事情； Officer: (service) what do you want? (注：當下潮流，勿怪！XD ) Y: ( nervous) we..we want to go in.. (註： 其實係想由左邊出口去右邊出口) Officer：(smile) ok, you can go out! P.S2: 今日成功同屋主傾掂數， 可以放低d行李係佢到直到旅行歸來，而且仲可以係九月續租到十月頭， 總算爭取到多d 時間搵屋。
