上回講到GOR同港女七日六夜親親動物兩人大阪行,已經過左一半。 點擊圖片放大 +2 Day 4 海游館 -> 梅田 KiddyLand ->Round 1 (千日前店) 大阪氣象局果然好準,來第四日真係落雨,所以港仔決定改下行程,全日都係室內行程。 有人話睇鯨鯊要去沖繩,但GOR話你知,其實大阪都有鯨鯊睇既,不過就細條左少少啦,起碼都係叫做有得睇丫。海游館入場費有幾個收費,成人(16歲以上) 2300円位,60歲以上長者 2000円位,7至15歲 1200円位,4至6歲 600円,3歲以下就免費喇。海遊館仲有提供套票優惠,例如:大阪海游票(句括:海遊館入館券,以及可以一天內無限次搭乘電車和公車的一日乘車券)。 點擊圖片放大 今次GOR要來海游館參觀除左因為落雨同要睇鯨鯊之外,其實係因為港女要食「鯨鯊雪糕」 What?又話親親動物,而加親到要食埋落肚? 當然唔係啦。「鯨鯊雪糕」係絕無鯨鯊肉既成份既,只係顏色似鯨鯊姐,其實佢係波子汽水x牛奶雪糕。 參觀海遊館期間發生左少插曲,詳情請參閱港女facebook cap圖 所以去旅行都有留意身邊周圖事物,安全為上。 驚險過後,話咁快就參觀完海游館,要去醫下肚。係海游館旁邊商場入面,有條美食街「浪速美食橫丁」,美食街主打大阪懷舊料理,所以GOR揀左頗有名氣既「北極星」食蛋包飯醫肚。 GOR旅遊小百科:「浪速美食橫丁」,聽到「橫丁」呢兩個字係咪好有日本Feel呢?但係其實「浪速」呢兩個字仲日本。點解?等GOR話你知啦,「浪速」其實就係「大阪」咁解,所以大家係大阪見到既的士大部份都會有「浪速」呢兩個字。 來緊呢個行程係港女要求要去的,KiddyLand 梅田店,KiddyLand係日本算係好受少女中女們既歡迎。KiddyLand專門賣各卡通人物商品,例如:比卡超、美少女戰士、柯南、Disnay、多啦a夢......以及港女最愛既 Jackie,冇錯就係佢 所以GOR就要陪左港女去KiddyLand喇! 但係好彩GOR有陪港女來,事關GOR尋到寶呀! 勁開心!GOR是運動狂熱份子無誤 講到運動狂熱,GOR一直都好想去玩棒球機既,奈何香港又冇,由台灣講到韓國講到東京,每次都去唔到,但係今次GOR終於說服港女陪我去玩喇!感動呀!T^T 好!講返正題,我地夜晚就去左日本比較出名既「娛樂場」- Round1(千日前店),Round1係一間連鎖式既運動主題娛樂場,分店遍佈日本及美國。主要以運動為主。重點係 2500円就可以玩通宵喇! 傳送門 海游館 http://www.kaiyukan.com/ 傳送門 Round1 http://www.round1.co.jp/ To Be Continued 待續… -------------------------------------------------------------------------------------------- 如果大家喜歡我D分享的話,歡迎 Follow/Like 我地 Facebook專頁/Instagram FB:imjustforfun IG:imjustforfun #imjustforfun #travel #hongkong