GOR 又返來囉~隔幾個月又出 Blog 喇! 今次GOR同港女去左大阪 7日6夜,由於之前都講過GOR並不喜愛 Shopping,所以今次個 Blog 都係冇咩 Shopping 行程既。但係大家就會問:「大阪除左 食 同 買 之外,仲有咩呀?」,所以今次GOR大阪行程係以「親親動物」為主題既。 點擊圖片放大 +2 Day 1 關西機場 -> Luke's Lobster -> Lucky Owl cafe 抵達關西機場 鉄人28 GOR同港女係出發前分別係旺角信和中心兩間唔同格仔舖買左日本 Data SIM card,但係好不幸,其中一張 SIM card 用唔到,所以GOR決定係關西機場租 SIM card!!!其實係日本租 SIM card 唔難,不過頗貴,日本主要得兩間電訊公司:Soft Bank 以及 Docomo,由於GOR係香港買又用唔到既係 Docomo 既 SIM card,所以GOR去左租 Soft Bank,租 7日 五百幾港幣,貴過香港買日本 SIM card 五倍,不過GOR成個 trip 上網順通無阻,相反港女上網就塞晒車。 GOR溫馨提示:大家出發去日本前,最好 download 返個 APP 【乘換案內】,呢個 APP 會令你更方便,更快捷到達你想去既景點。 行程第一站,當然係醫肚啦,係心齋橋 Hea Hea 下就見到 Luke's Lobster,GOR見人排晒隊,緊係唔執輸又去排下啦。 第二站 Lucky Owl Cafe,可能已經有其他 Blogger 介紹過,但係GOR都會介紹多次既。Lucky Owl Cafe 店內除左貓頭鷹之外,仲有兔仔、刺蝟、蜥蜴等等。雖然佢係一間 Cafe 但係店內係冇野食既,只有飲品提供。基本上店內所有動物都可以觸摸既,不過請先消毒雙手及跟店員指示觸摸動物。 點擊圖片放大 +5 Day 2 蟹道樂 -> 四天王寺 蟹道樂相信係港人大阪必食頭十名,所以GOR決定 Day 2第一站就去。蟹道樂食午餐會低少少,午餐一個 set 大概 3500 円,晚餐一個 set 大概 6000 円,午餐份量可能比晚餐少一點,但係食既野都係一樣,可以食到飽。當然如果大家想食晚餐又唔想排隊的話,都可以上網預訂座位,不過都係個句如果大家訂左枱,而有事去唔到就記得通知返餐廳喇。 點擊圖片放大 +9 GOR去旅行比較鐘意 Hea 遊之外,仲比較鐘意去當地一D舊建築參觀既,所以第二站就去 四天王寺行行喇。 但係好可惜,四天王寺現正進行翻修工程。預計要到 2022年先會重開。 Day 3 京都(和服) -> 清水寺 -> 伏見稻荷 ->奈良(探鹿) 去大阪又點可以唔去埋京都奈良呢。為左滿足港女要求,所以GOR要陪港女著和服。和服方面早就係出發前兩三個禮拜已經網上預訂好。兩人同行和服租借都係 6500円,連 set 頭 + 特別飾物,Total 9000円左右。和服租借店資料如下: 夢館 https://www.tw-kyoto.yumeyakata.com/ 點擊圖片放大 +2 其實著住套和服行動都唔太方便,所以只去了清水寺拜拜,然後就歸還和服,出發去伏見稻荷。 夢館出發去伏見稻荷只需 10至 15 分鐘,伏見稻荷主要景點為 千本鳥居 & 伏見稻荷大社。 原本GOR同港女是日行程應該可以完結,第二日先去奈良,但係大阪氣象局未來一兩日都有機會落雨,所以決定去埋奈良餵下鹿。 其實成日都聽人講奈良鹿都有少少攻擊性,又話會撞人,又話會咬褲等等 ...... 但GOR遇到 D 鹿仔都好乖好馴。 點擊圖片放大 To Be Continued 待續... ------------------------------------------------------------------------------------------- 如果大家喜歡我D分享的話,歡迎 Follow/Like 我地 Facebook專頁/Instagram FB:imjustforfun IG:imjustforfun #imjustforfun #travel #hongkong