其實港仔有時都幾宅，火影、龍珠、男兒當入樽、足球小將都係基本，但講到宅又點可以唔數海賊王呢？ 冇錯！今次港仔就係想介紹下最近先開由日本 ONE PIECE 官方授權，海外第一間位於台北東區的海賊王主題餐廳。 先講位置先啦~交通方便，唔難搵，由捷運忠孝敦化站 7 號出口步行 3 至 5 分鐘就到達餐廳。 餐廳位於二樓，上樓梯後，就會見到海賊王一眾主角 1:1 公仔歡迎大家，餐廳中間仲有縮少版烈陽號，而烈陽號周圍都有各式各樣紀念品，包括只有餐廳限定的海賊王餐廳紀念 TEE、餐廳紀念餐具等等。 點擊圖片放大 話明係主題餐廳又點會冇海賊王主題 menu 丫，今次港仔只係試左兩個餐點，草帽小子咖哩藍帶豬排飯 & 香吉士海膽鮭魚卵海鮮麵，加多杯惡魔果實抹茶冰沙。 點擊圖片放大 +3 味道唔差，值得一試 草帽小子咖哩藍帶豬排飯的豬排並唔係普通吉列豬排，豬排入面仲有一層芝士火腿 港仔小提示：由於餐廳仲係排隊情況嚴重，所以建議大家都係平日去，仲有九點幾十點就好去到排隊喇！ ONE PIECE RESTAURANT X TAIPEI 台灣海賊王餐廳資訊 電 話：02-27520559 地 址：台北市敦化南路一段 169 巷 8 號 2 樓 營業時間：11:00 ~ 22:00 餐廳 Facebook 專頁：https://www.facebook.com/ONEPIECE.Restaurant.tw/ 台灣海賊王餐廳候位方式詳細說明：https://goo.gl/pBXJ1L ----------------------------------------------------------------------------------------------- 如果大家喜歡我D分享的話，歡迎 Follow/Like 我地 Facebook專頁/Instagram FB：imjustforfun IG：imjustforfun
