港仔的HEA遊東京攻略 事先聲明，港仔旅行並不喜愛購物，所以港仔並不會推介 Shopping 行程及景點。 港仔日前同港女及友人們一行四人，出遊東京，賞櫻，浸溫泉，又一 HEA 遊。有少少推介⋯⋯ 去東京，唔係唔去築地市場呀？築地有兩大出名壽司店"壽司大" 及 "大和壽司"。雖然是兩大，但都有 priority 食邊間既～ 港仔推介第一是 "壽司大" 第二才是 "大和壽司"。當然食正野，就要付出，除左金錢外，仲要時間同耐性。 小小提示：建議大家凌晨五點就好去到排隊喇~港仔經驗，五點半去到七點四十五先食到 Orz...所以大家預下時間喇。除此之外，港仔提你係日本壽司店食野盡量唔好相機食先，咁樣對師傅同食物都唔太尊重。其實係日本影任何事物前盡量都問一問當地人同意先~要尊重不同文化丫嘛。 東京 Disneyland/Disney Sea 都係一個唔錯的地方，事關日本迪士尼主要由日本主導，同其他迪士尼樂園不同，例如： 紀念品(香港迪士尼買到美國迪士尼紀念品，美國迪士尼都買到上海迪士尼紀念品，但日本迪士尼紀念品就只有日本先有) 氣氛(去玩最緊要有氣氛！日本迪士尼最大吸引力就係氣氛，無論工作人員或者當地遊客都好投入迪士尼世界) 男的不是重點 浸溫泉，其實溫泉呢，一年四季都浸得既，如果大家夏天唔怕太熱、冬天唔怕太凍的話<---廢話。 港仔推介 稻取銀水莊 一泊兩食真係好正，風景背山面海，JR站有專車接送，房內清潔舒適，有男湯、女湯、私人風呂，最重點係去到唔怕溝通唔到，大部份當地服務人員都識中英文，佢地仲好親切tim... 天神的盛宴，凡人的身體，頂唔順 一泊兩食，真係會食死人咖 手咁大隻鮑魚 賞櫻就要揀月份喇~櫻花通常都會係二、三月份盛開，當然 Plan 行程前要做功課啦，是常識吧。 如果大家跟港仔推介去 稻取銀水莊 浸溫泉的話，賞櫻就唔成問題喇，事關 稻取銀水莊 距離唔遠三四個鐵路站就可以賞櫻，賞櫻地點：河津，當地會於櫻花盛開季節舉辦 河津櫻花祭 ，到時會有文化表演、特式小食、攤位遊戲，相當熱鬧，但港仔提提你如果大家影靚相就要早少少去喇，因為真係好多人。港仔再提提你賞櫻影相冇問題，但大家都聽過"路邊野花不要採"咖啦，要做有公德心的遊客啊~ 點擊圖片放大 ~END~ 如果大家喜歡我D分享的話，歡迎 Follow/Like 我地 Facebook專頁/Instagram FB：imjustforfun IG：imjustforfun
