港仔除左工作關係一兩個月要去轉台灣之外，四五個月都要去轉首爾既~ 好多人話首爾係女人天堂、Shopping聖地、化妝品店總部……但係港仔話你知，其實首爾都有地方岩男仕們去既~~嗱~唔好諗邪野呀，港仔講緊既係餐廳同景點炸。 雖然去首爾旅行離唔開都係明洞、弘大、梨大、梨泰院、南怡島、東大門、南大門、景福宮、光化門、清溪川呢D大圍野(就咁講都差唔多十個地方可以去)。其實呢D景點都有唔多唔少都幾岩男仕們去既~ 明洞~ 明洞入夜後大街商店都閂得七七八八，但小巷既宵夜店就開始營業喇，大家可以三五哥們把酒到天亮(港仔突然好有文采) 海鮮宵夜店 全州中央會館亦都係一間唔錯既餐廳仔 弘大就比較多Pub、Club、Bar、街頭表演，就如尖沙咀 x 旺角一樣，當然弘大D表演正過旺角好多……科科 梨泰院冇咁精彩既~得一間店推介 - New Era 旗艦店 New Era 旗艦店好多地方都有，點解要來梨泰院呢間呀？ 等港仔話你知啦，唔同國家 New Era 都會有當地特式商品既 梨泰院呢間都唔例外，除此之外，重點來喇！呢間可以用刺繡方法將你個名繡上去你岩岩買既商品上面(只限帽款)，但係要俾錢既(5000圜，最多八個字母)。 南怡島男仕去到可以上演一場老人與海，鐘意攝影既男仕們可以去親親大自然，影下景，應下景。仲有大家不彷可以試下南怡島春川炒辣雞。新村都有分店，小提示：等服務員炒雞，佢話食得先好食 東大門同南大門都係批發市場，但係南大門一個小角落有一間細細間既刀削麵好正，7500圜可以食到你飽食到你嘔，有前菜有飯有湯有麵仲有任食泡菜。 景福宮、光化門、清溪川，聽起上來好似三個地方，事實上佢地係「一家人」，唔好話行都行到去，直頭係一出站就可以見晒佢地。呢到最岩食飽散步，又或者想了解下韓國歷史既，亦可以去光化門廣場既世宗博物館行下，免費咖~ 其實咁樣講講下男仕們去首爾都可以去四五日咖，不過講真丫，去旅行邊到有話呢個地方岩男仕去，呢個地方岩女仕去咖？！旅行都係想體驗下不同國家地區文化，放鬆下，最緊要開心姐~ 如果大家喜歡我D分享的話，歡迎 Follow/Like 我地 Facebook專頁/Instagram FB：imjustforfun IG：imjustforfun
