港仔回鄉行 - 台北 港仔由於工作關係，每一兩個月都會飛轉台北行一行。 台北距離香港個幾鐘機程，有兩三日假就可以出發！ 機票住宿唔貴，機票連稅都係港幣一千左右(華航、長榮)，平靚正！ 今次港仔share既係早兩月港仔帶幾位第一次去台北既朋友既四日三夜行程。 Day 1 桃園機場 →西門町→Airbnb民宿→西門金鋒 魯肉飯→CityMarx→士林夜市 西門町 落機第一站就來西門町啦！ 因為落腳點係到丫嘛~ Airbnb民宿 見我地咁樣樣就知出事啦~ 冇他既~落暴雨姐，好小事。 台北一年四季都會落雨，RAIN CITY丫嘛 如果大家人多既話，Airbnb都係一個唔錯既選擇。科科 西門金鋒 魯肉飯 港人去台北成日被遺忘既餐廳，魯肉飯有大有細，價廉物美，真係值得一食再食！ CityMarx 食完魯肉飯我地去電影公園既 CityMarx CityMarx充滿街頭文化的地方！每次去都有唔同作品！真係次次都有驚喜。 夜晚當然去夜市啦！ 士林夜市 士林都算係代表喇呱？！ 有野行有野食有野玩，同出奇蛋一樣，滿足三個願望！ Day 2 阿毛石頭燉飯→林口三井Outlet→無老鍋 第二日繼續HEA遊，第一站當然係醫肚啦！台灣冇野多，食就最多。 阿毛石頭燉飯 西門町一共三間，兩間食石頭煱飯，另外個間係Cafe來der... 店內都有"阿毛"歡迎大家。 食飽有氣有力，繼續行程。 港仔平時旅行唔太鐘意買野，但今次友人要求行程需要購物，所以特意安排。 林口三井Outlet 林口三井Outlet係台北近期新開既"日式"Outlet 係台北車站坐公車，大概45分鐘左右，但友人們已經Zzzzzz... 無老鍋 無老鍋同馬辣都係台北出名既火煱店。今次我揀左無老鍋，話晒去旅行都係為左養生姐~ 小提示：可以網上提前訂位 Day 3 君悅排骨飯→華山創意園區 →東區商圈 →糖村→師大夜市→燈籠加熱滷味→師大鹽水雞 君悅排骨飯 華山創意園區 不定期有不同展覽。 當時我地去有"倒轉屋"&"吉卜力展"，但我地只去左"倒轉屋"，因為"吉卜力展"要等六千幾個籌...GG 睡夢羅漢拳 冇位泊車哥表示煩惱 東區商圈 由於友人們前一日都係林口Outlet將戰鬥力用得七七八八，所以我地決定係東區慢步人生路lol 糖村 港人必買手信 友人們買兩大袋做手信 師大夜市 (燈籠加熱滷味 & 師大鹽水雞) 前日去左士林一個夜市邊到夠丫~我地去埋師大夜市，師大雖然唔大，但係有必食推介。 燈籠加熱滷味 + 師大鹽水雞 都係必食推介 燈籠加熱滷味大大碟好野味，買完仲可以去旁邊飲品店地庫坐低慢慢食，但當然要幫襯啦！ 師大鹽水雞由一家三口經營，味道一流，乾淨去骨。 位於7-eleven對面，一定有人排隊好易搵咖。 Day 4 上引水產→台北車站 →光南大批發 →中正紀念堂 四日三夜時間過得好快，但好HEA，終於來到行程既尾聲。 首先我們去上引水產潮聖。我地特別安排最後一日先去上引水產，大家都怕水土不服，第一日痾到返香港丫嘛~ 上引水產 有立吞區，有外賣區，當然有平有貴。 我地當然係豪食啦！ 溫馨提示：立吞區雖然十點開始入場，但最好都係九點四十五前到喇！ 台北車站 台北車站又係一個買手信既熱點，順帶一提車站有三大地下區，其中一條係宅男天堂。巴打們有興趣可以去個到尋寶。 光南大批發 係台北車站過條馬路就到，樓高三層平到喊雜貨店，店內幫襯既十個有十一個都係香港人，冇咩既~平丫嘛！ 中正紀念堂 影下相，上下歷史堂，都算係台北多勝既~ 影完相 HEA 完就去機場返地獄lu... 如果大家喜歡我D分享的話，歡迎 Follow/Like 我地 Facebook專頁/Instagram FB：imjustforfun IG：imjustforfun
