🍴觀塘出名多野食同小店，尤其係工廠大廈入面，總會搵到一啲特色既小店，今次黎到尼間Café，主打甜品梳乎厘pancake🥞最緊要係價錢親民 🔸特濃開心果麻糬梳乎厘班戟限間限定‼️鍾意食開心果既一定要點，梳乎厘班戟好鬆軟🥚蛋香味濃，麻糬煙煙韌韌，開心果cream勁多，加埋開心果果醬同碎碎，味道更加濃郁同口感更豐富 🔸煙三文魚牛油果醬班尼迪蛋農夫包煙三文魚同牛油果🥑尼個組口無得輸，牛油果醬creamy，農夫包烘到好脆，水煮蛋做到流心效果，一啲都唔腥，面頭既醬汁酸酸地帶少少辣🌶️好開胃 🔸炸魚薯條外層炸到黃金色好香脆🐟魚肉嫩滑無雪藏味，粉漿唔會好厚，入面仲保持到有肉汁，配左芥末沙律醬，食落唔會覺得油膩🍟薯片都炸到好脆 🔸Oreo忌廉沙冰邪惡之選😈面頭勁多忌廉，甜度岩岩好，比想像中無咁甜，忌廉好綿滑同比較輕身 🔸海鹽Kiri芝士桂花烏龍茶茶底揀左無甜，奶蓋較輕身奶味濃😋淡淡既桂花香，清新又解渴 📍 Four O Five Coffee & Eatery 觀塘成業街19-21號成業工業大廈地下2號舖
