雖則小女子內心係韓國靈魂，但我睇劇個range好廣，美劇英劇日劇韓劇我都睇㗎^_^ 最近韓劇冇咩貨響手值得我睇，我就轉移去睇日劇！結果一睇,不得了!太太太好笑了LoL 呢套「date」輕喜劇正中我最愛嘅劇種,但個中文名實在太奇怪，我就簡稱佢「date」吧！我好耐未睇過一套劇令我笑到出聲兼拍手！以下我講嘅劇情都唔會劇透到重點情節, 即使睇完唸篇文章再睇劇,一樣可以笑得開心啊大家可以放心睇! 女主角藪下依子（杏 飾演）係個十分注重原則嘅理科碩士，咩都會做資料搜集,有點兒強迫症...如果有睇過the Big Bang theory嘅人，我可以話你聽依子就係女版sheldon!!!依子同sheldon一樣做任何事都要按規矩，重視理論重視原則，對感情一竅不通。因為年近30適婚年齡而開始有結婚想法,所以去結婚網站找對象。無法不愛依子啊太有趣了:-D 男主角係35歲的 谷口巧(長谷川博己 飾演）係個文科男,自稱高等遊民,說穿了即係食老軟=.= 無正職,成世人都未打過工... 男女主角我都唔認識，今次係第一次睇佢地演戲，我幾中意依子啊！雖然唔係典型日本甜美女生嘅樣，但佢好有個人特色又有魅力，而男配角鷲尾就係一名花美男，我初初唔知佢係邊位，到後來先知道佢係組合HEY SAY JUMP成員...我對日本歌手認識唔深啊SORRY!劇中佢算係最正常嘅人了,但口味有點獨特,佢一直愛住依子呢個怪咖,不過我由第一集已經希望佢同依子一齊啊!點擊圖片放大 依子睇左本唔知咩雜誌話男仔好中意女仔嘟嘴所以努力練習XD 點擊圖片放大 第一次約會嘅依子完全嚇怕左巧 巧嚇到立即逃跑HAHAHA 去遊樂場玩嘅兩個人竟然好似要上戰場咁緊張XD 依子嘅登山LOOK笑死我 第二集後後嘅快閃舞更加精彩到爆!!!我都笑翻了! 我好欣賞劇本嘅角色設定，依子細細個陣媽媽就因病過世，而男主角就係單親家庭長大，同佢媽媽相依為命。依子好獨立，自己出外面住，而男主角就三十幾歲人都過於依賴阿媽，佢地嘅設定剛剛相反，所以雙方都會響對方家庭身上搵到自己缺乏嘅東西。 雖然依子媽死左, 但依子會幻想媽媽出嚟同佢講野,依子媽會將依子心底裡最唔想承認嘅心聲講出嚟,令依子好嬲,依子媽都係充滿笑點啊^.^ 呢套劇好似係講兩個奇葩嘅約會過程，但其實更多嘅係講親情。劇情經常透過男女主角嘅約會去敘述雙方父母點樣關心自己仔女，而身為子女嘅依子同巧又點樣用自己套方法去處理家庭關係。我以前未接觸韓劇時係成日睇日劇的，但後尾睇睇下我就去左韓劇世界，因為我好怕日劇嘅一個通病，就係節奏太慢同埋講好多人生大道理，我會起雞皮，心諗：邊有人會響現實生活咁講野？將夢想呢d字眼掛響嘴邊=.=但呢套完全冇問題喔！節奏流暢而且每一幕都係有意思，係唔可以飛嚟睇的，我中意呢套劇嘅一點係劇情往往可以好順咁將想表達嘅道理講比觀眾知，睇住男女雙方點樣漸漸修正自己的人生觀,但又唔會好刻意好扇情。 另外，好欣賞呢套劇嘅剪接技巧，用跳來跳去的"count down"形式去講返兩人嘅故事,而且劇情更係成日都出人意表(因為依子係奇葩，永遠估唔到佢諗咩XD)。 「Date」嘅編劇係寫《Legal High》嘅古澤良太，絕對係信心保證,難怪寫嘅對白咁有梗又有深度。 我睇到第9集喇仲有一集就完!!!不知最终回依子最後會同邊個一齊呢?>V< 「Date」嘅主要場景都係橫濱拍攝,睇完令我想去橫濱旅遊呀!!! BTW,演細個版嘅小依子怎麼同真依子似得咁交關?!?!日劇童星都找得很像~長得超像啊兩個都係氣質美女:)太可愛喇!
