唔知大家有冇睇開Youtube呢?我就非常喜歡睇Youtube,比電視台嘅節目好睇太多了! 有人話Youtube已經係新嘅HOLLYWOOD,我十分認同! Youtube上有好多Youtube明星,香港我就冇睇好多,因為我覺得佢地講野唔夠老實,好多時變左賣廣告,我主要係睇外國 Youtuber嘅,即使唔係講Beauty嘅我都會睇,例如:Ryan Higa,Smosh,Miranda Sings... 而我今次想分享嘅係我有subscribe嘅韓國Beauty Youtuber^^ 除左好多人都有睇嘅PONY之外,仲有幾位係我覺得唔錯嘅~ 1)sunnydahye(約6萬 subscriber) 英文咁流利係因為佢響外國讀書嘅,佢依家都好似仍然響外國生活, 佢皮膚狀況同我相似,推薦嘅產品就有時好有時壞啦,但佢講野溫柔個性好,我幾中意睇佢嘅影片^^ 2) Teddybearkitties (約4萬 subscriber) 年紀非常細,得十幾歲,所推薦嘅產品都係學生哥負擔得起嘅韓國牌子,但佢推介嘅產品呢我就唔太覺得有佢所講咁好用,我自己就唔會跟佢推介而去買,大家當多個意見參考就好~不過聽佢講英文都好舒服,佢現居韓國,英文咁好係因為佢讀國際學校 3)hoversjelly (約1萬4千 subscriber) hover所推薦嘅產品都係大家負擔得起嘅韓國牌子例如The saem, Aritaum,Skinfood...,佢講野真誠,而且佢又係皮膚狀況同我相似,所以我好多時都會比佢燒到跟佢去買!!英文咁流利係因為佢都係響外國讀書,以我所知hover依家返左韓國生活 4) Liah Yoo (約8萬7千 subscriber) Liah講野好溫柔,我相信佢講嘅產品意見都係發自內心真實嘅說話,但奇怪嘅係,明明我同佢皮膚性質差不多,大家都係油肌易生暗倉,但我試過幾次跟佢推介買產品都覺得冇用或者唔好用,後來我就冇再比佢燒到買野了...但都KEEP住有睇~ 5)So Young's Beauty (約21萬 subscriber) So Young身型唔係一般韓國女仔咁瘦但外表甜美,依家已經係人妻啊!佢主要出化妝教學影片,有時都會分享自己買左咩護膚品,我中意佢成日笑同埋個性好,佢唔會只推薦高級護膚品,佢平時都成日用Etude House同Skinfood !!以我所知So Young現居美國,佢嘅影片雖然講韓文但一定會有英文字幕~ Youtube上當然仲有好多韓國Youtuber啦,example:Da Yeong,ssin 씬님...但好多都只講韓文,作為普通香港人根本聽唔明內容,而我分享嘅幾個都係講英文或者有英文字幕嘅,咁大家就算唔識韓文都睇得明嘛:) 最後提提大家,有時睇到某個youtuber推薦而去四左某個產品,結果用到爛面,咁其實未必係個youtuber唔老實(當然都有呢個可能啦-.-),可能只係youtuber皮膚狀況同你根本相反,人地係乾肌你係大油肌...所以要了解自己皮膚係咪同你睇緊嘅youtuber相似,千萬唔好盲目跟隨youtuber買產品啊!!! 即使youtuber皮膚性質同自己唔一樣,都可以當普通電視節目睇吖;)
