開始之前請先容許本人花痴一陣~~~ OMG這個男人點會係三十幾歲!明明就係廿幾歲嘅樣吖!!!^^ 邊個女人可以唔心動!!!??? 我由睇完秘密花園之後深深愛上金洙元社長,同時愛上玄彬OPPA~~~有時睇完套劇愛上男主角,但未必係愛上演員而只係單純地愛上劇中個角色,例子有惡作劇之吻,我當時深深愛上江直樹啊但我誤會自己愛上鄭元暢而睇左佢其他作品,結果...原來我愛嘅只係直樹... 但玄彬OPPA唔同!!!我愛死佢了!!佢係我眼中係世界上最靚仔嘅男人!!而且性格亦係我喜歡嘅成熟踏實性格,自願當海軍陸戰隊呢件事更加令全韓國男男女女都不得不愛佢吧!!真男人!!! 所以玄彬OPPA有新劇我當然第一時間睇啦!這部戲是현빈오빠退伍後的第一部電視劇,劇名非常難記,叫:'海德哲基爾與我'~~~ 老實說,劇情好唔掂,因為韓國電視劇好多都係邊拍邊寫劇本的,因此有好多開始時寫得好吸引但最後爛尾嘅韓劇,演員當初接拍時都未知劇本最後是好是壞,所以玄彬都控制唔到... 劇情有好多次唔合理到令我想反枱><冇太大興趣分析有幾唔MAKE SENSE了... 但誰Care劇情啊!!!我只Care我玄彬OPPA有多帥>v< 太帥了我快支持不住了 我想在玄彬OPPA酒渦裡睡覺>w< 如果呢套劇唔係我家玄彬OPPA做男主角,我早就棄劇,但單賣玄彬嘅顏同演技已經係我繼續睇呢套劇嘅動力!!! OPPA可以等等我嗎?人家腿沒你那麼長啦! OPPA:"腿長不是我的錯啊別生氣啦" 隨便一站都係海報怎麼搞的>v< 叫人情何以堪～ 玄彬真係360度冇死角嘅帥！每次見到佢都心跳增加啊 好啦好啦我講下劇情啦～改編自韓國網路漫畫,女主角係「屋塔房王世子」嘅韓志旼,劇情就係好老套嘅有錢靚仔但苛薄男主角有病,女主角響佢身邊倍佢幫助佢,之後本身性格唔好嘅男主角漸漸變好人,而呢部劇嘅大賣點係男主角有雙重性格,玄彬要演兩個角色,演技冇得彈嘅玄彬OPPA當然演得十分好啦,即使唔換衫都分得出佢演緊不苟言笑嘅具瑞鎮定係溫柔嘅羅賓~ 同時期有另一套池城的「Kill me heal me」,同樣係講多重人格,但「Kill me heal me」男主角係7重人格而且唔同身份會變妝,收視率一直打低海德哲基爾與我...我當然有去視察敵軍(?)啦!!睇左兩集「Kill me heal me」,女主角令我冇意欲睇落去,太浮誇嘅演技喇我頂唔順...問心,雖然「海德哲基爾與我」劇情勉強,但至少男女主角嘅演技令觀眾睇得舒服,而且俊男美女本身就吸引,可惜韓國觀眾早就看膩了靚仔靚女同埋老套劇情,收視率一直低迷都好合理... 而家韓國要收視率好就必須要有新鮮又有共鳴嘅劇情啊!!呢一點tvN就做得非常出色~~ANYWAY,玄彬的魅力令我會仍然看下去,但期待玄彬OPPA下次挑選更好嘅劇本啊!
