年初六是小女子的農曆生日, 先同爸媽食個生日飯, 之後有朋友上黎拜年, 說起行山的事, 於是就舉行了一個即興的年初七行山之旅! 原本想同老大去行下昂坪棧道, 但係係朋友口中知道要維修, 所以要另選地方啦, 最後選擇左城門水塘作為我地的目的地! 城門水塘, 根據相關的網站顯示難度只有1-2星的, 所以都合適我地冇做開運動的人去行既~ 年初七當日 9:00 先去食個早餐 之後去買左少少乾糧就坐巴士出發到荃灣了~ 在千色百貨落車~ 行去後面的兆和街找82號小巴! 但可能由於重係假期啦~ 都好多人呀~ 睇人龍估計~要第5部小巴先上到啦~反正我地4個人~不如見到的士就上啦!! 哈哈哈! 幸運地真的好快就有的士啦!!! 5分鐘左右~ 我地就到左啦~ 4個人之中~ 只有我同老大未認真行過山~ 哈哈哈~ 今次係第一次! 印象之中~ 城門水塘係拍古裝劇的勝地! 亦係拍婚照的熱門選擇! ( 話說小女子之前都想去城門水塘拍婚照~但因為各種因素之下, 放棄左 ) 今次去體驗一下! 經歷一下哩D場景! 大自然真係好奇妙~唔同的花、草、樹構成左好多好靚的畫面!!! 我地影左好多相呀!!! 行下傾下咁真係一個唔錯的活動!!! 整個過程都有猴子隨行, 其實係我地走入佢地的屋企~ 但係有D人會覺得猴子一定會搶手袋, 或者有攻擊性.... 大自然係大家既~ 冇話係人類定係猴子架... 只要你唔搞佢地~ 佢地都甚少會主張攻擊人~ 真係好希望人同動物可以做到平等少少, 大家各自有生存的空間! 都市人日常SUPER繁忙, 為生活, 身兼多職, 真係難得有時間抽到出黎做自己鐘意做既事~ 記得有個廣告既口號係: "放鬆D啦~香港人" 大家都想做到放鬆~但係談何容易呀.... 我同老公都好忙, 兩個人都係身兼兩職~ 為求改善生活質素, 大家都好努力! 雖然同一屋簷下, 每日見面的時間只有係睡床的時間~但又要休息~儲好精神預備第2日的工作~真係唔容易呀... 因此, 早兩日同老公達成共識, 一個月抽一個星期日出黎去拍拖! 希望我地可以做到! 努力工作之餘~都要抽時間出黎平衡生活~ 否則"人都癲" 我會加油! 亦都多謝今次帶隊行山的朋友! 令到我地有時間吸一口新鮮的空氣及得到精神上的放鬆!! 多謝哂!!
