同老大預備婚禮的過程當中, 決定得最快的一個項目就係渡蜜月的地方啦! 一致決定要去睇北極光!!!! 由於搞婚禮真係會用好多心思~ 所以, 渡蜜月決定跟團!!! 俾腦筋休息休息!!! 2016-12月婚禮, 我地8月就報名參加左北歐四國 (丹麥、挪威、瑞典、芬蘭) 追光之旅! 婚禮過後一星期我地就出發啦! 展開11日的旅程啦! 既興奮又緊張! 先到倫敦機場轉機去丹麥, 11個鐘的機程再加2~3小時轉機, 總共14個鐘機程, 其實有點辛苦, 哈哈哈, 我地2人都屬於長腿一族, 加上又訓唔到... 不過唔緊要啦~ 咩都TRY TRY! 丹麥兩天 一個單車城市, 好多道路都可以俾單車行駛!十分好! 而且環保! 溫度大約3-7度~ 但係一落雨~ 溫度就急降!!! 當時穿了平底鞋以為OK啦...點知都係有D寒氣滲入黎...( 第2日馬上換番對毛毛鞋先 ^_^ ) 去了一個樂園~ 周圍都係聖誕節佈置~好溫馨!!! 好有歐洲聖誕氣氛!!! 我地影左好多相呀!! 哩到完全係一個俾人瘋狂影相的地方!! 樂園地方唔大!! 但係都影到接近一百張相!! 重拍左個VIDEO 添呀!!! 行番出公園就係安徙生像~重有好似叫做市政大樓!! 一場黎到底 當然要去睇下午見識下啦!! 重有去左新港 <--- 即係籃X曲奇個盒上面個張圖的地方, 由於我地當時去到已經天黑了~ 睇唔到D咩~ 其實有D失望, 但係導遊話第2日會抽時間帶我地去多次! 真係好呀!!! 第2日早上的確一早就去番新港碼頭先, 嘩~~真係好唔同呀~! 好歐陸小鎮FEEL!!! 好靚!!! 但係行左一陣又落雨了, 不過已經影左好多靚相啦!!!! 之後就去睇丹麥的標誌---美人魚像!!! 比想像中細但係背景好靚, 有點童話味道!!! 同老大沿住海岸線行~~見到隻白天鵝, 佢好靚好大隻, 但係就有D孤獨~得佢自己... 下個景點就係丹麥皇宮, 領隊幾好! 專登帶我地行過去, 唔洗下下都係景點門口落車再上去, 咁我地就可以影下街頭景色! 開頭以為只係睇外觀~點知可以入埋去!!! 外面的公園令到心境好平和, 入到去皇宮~覺得好有氣勢! 同埋好宏偉! 好榮幸可以入到去見識!! (而且有WIFI^^) 丹麥的行程大致係咁! 之後我地就要上郵輪啦!! 係DFDS CRUISE上渡過boxing day!!! 由哥本哈根出發到挪威oslo DFDS CRUISE 有船上商店!!! 而且領隊話買pandora係最平的, 有免稅店, 有餐廳, 而我地晚上就會享用船上自助餐!!! 好多人~台灣團~國內團~當地團, 領隊話因為當地收重購物稅,而係船上購物係免稅的, 所以好多當地人都會間中上船住一晚, 補充日常所需! ***當晚旅行社好好呀!!! 幫12月份生日的團友慶祝生日!!! 有個大的蛋糕!! 雖然說不上係非常好食! 但係心意好重要呀!!! 令到生日的團友都好開心!!! 氣氛好好呀!!! 我地食左個DINNER BUFFECT之後呢~ 就去行下免稅店啦~ 但係冇咩野岩呀~哈哈~加上我又唔太好PANDORA~不過額外一提~ 在船上買酒都係好平的! 比起其他DFS都要平!!! 之後回到房間~ 有一個細窗~可以望到出面的景色( 入夜真係咩都睇唔到) 簡單2張床都洗手間~浴室~都係正常野~! 接受到!! 第2日~早上都係去番餐廳食個早餐~ 之後呢就周圍行^_^ 去左一層係可以俾人行出去睇野既~~ 嘩~見到好靚既VIEW呀~ 好特別~ 左面係有陽光既~ 右面係天黑既~ (青蛙仔MODE: 真係好特別呀!!! 哈哈哈哈 ) 同老大拿拿聲影左幾張相之後~ 就入番室內了~~因為真係太大風啦!!!! 差不多~ 我地要預備落船啦~ 挪威兩天 到了挪威OSLO了~~ 感覺都係好大風~ 估計係3-4度左右~空氣好清新呀!! 係一個天氣好好的早上!! 在挪威的第一張相! 哈哈! 到步之後~ 我地先去參觀一個維京船博物館!~ 係主要睇挪威人之前用黎打仗作戰時候用的戰船!! 領隊有好詳盡的解說! 覺得佢識好多野呀! 哈哈哈! 再去一個館~ 係睇N年前的歐洲屋係咩樣既~ 地方好大!!! 了解左唔同年代的歐洲屋~好多唔同類型的屋!!! 而且可以係一間好有歷史的木教堂出面影相~同參觀! 真係唔錯呀!! 天氣真係好好!! 好普通的手機都可以影到好多靚相! 之後就去維格蘭雕刻公園~ 公園係入天放左好多個以人生為主題的雕刻品! 有D抽象~但有D就個個都識, 就好似:生氣的小孩"咁~~ 佢的知名度好高架! 好快入夜啦~ 哩一晚~我地要好早訓~ 因為第2日要一早起身開車趕路呀! 出發去第2個國家瑞典斯德哥爾麼!! 瑞典兩天 到了瑞典斯德哥爾麼~ 還是很早的早上! 辛苦司機大哥一早起身車我地過黎!!! 第一個景點! 就係斯德哥爾麼市政廳, 諾貝爾頒獎的場地!!! 真係好開心有幸黎到見識呀!!! 出面的風景好好! 廳內的設計特別! 好有意思! 加上有廣東話導遊講解市政廳內的細節! 份外有親切感! 哈哈! 今次的遊覽真係可以提高個人的文化氣息呀!!! 廳外有紀念品店~ 我同老大都買左少少呀! 下一站---華沙戰船博物館! 睇華沙民族的戰船!!了解佢地的歷史! 以前讀西史都有了解少少~但係今次實地睇到佢地的戰船其實感覺幾震撼~ 同埋可以理解到佢地點解失敗 ~ 之後就開始進入瑞典市中心啦~ 我地要去一個ICE BAR的地方~飲番杯野! 哈哈~大家都要穿上主辦單位的禦寒衣物~ 入面有少許冰雕~ 之後有D帥哥沖飲品俾大家飲~哈哈~ 一如以往~都係係咁影相~ 領隊哥哥就叫我地唔洗緊張~因為之後日日都會身處冰天雪地的環境~話哩D係小兒科 跟住~~就係我地既SHOPPING TIME啦!!! 跟住領隊哥哥係左穿右插咁行街街睇靚野~ 太忙~冇時間影相~ 但有時間捉到隻歐洲限量版精靈!!! 超級開心!!! 回到酒店!<--入住哩間酒店~個感覺係~好似訓左係IKEA的DISPLAY房入面~~哈哈哈哈~ 影下買左D咩先! 波鞋真係比香港平好多呀!!!!真係後悔買個GIP大黎!!! PACK 好行李之後!! 要訓啦! 第2日早機!! 繼續北上!!! 芬蘭四天 中午落機~ 我地已經到達冰天雪地的律勒區~ <--飛機上拍攝的 機場外係白雪雪的雪地呀! 步出室外~口噴煙啦~ 哈哈哈哈哈~ 黎到哩個機場, 領隊哥哥叫我地加厚衣物啦~因為已經係步入北方, 氣溫係負數! 要注意保暖! 我地黎到哩個第一個活動就係冰上釣魚啦!!!! 聽個名都已經好特別!! 到達時~我地先要行過一段雪路<--習慣下先! , 之後就要穿上主辦單位提供的衣服啦!! 唔知點解佢地的衣服特別保暖! 見到一大大大大片雪地 大家都係不停讚嘆! 不停影相! 不停玩雪! 之後行出去雪地中間~聽當地人講解佢地係點樣釣魚~ 之後我地都可以學下!!! 好興奮!! 要用佢地的工具係雪地上鑽洞!!! 都要用D力氣架! 唔係咁容易!! 然後放魚餌落去~ 哈哈~我同老大唔成功~釣唔到~但係有幾個團友好成功咁釣到呀! 大家歡呼拍掌!! 嘗試完之後~可以入佢地的帳篷內飲番杯朱古力~唔知係咪個人好凍呢~覺得哩杯朱古力特別好飲 ^_^ 跟住就到他們的餐廳享用一個肉丸餐~天氣凍左~特別易肚餓.... 之後就上車了~開始進入羅凡尼米!!!日照時間又再縮短~老實講~真係唔太習慣! 去到當晚住宿的酒店~有香港~內地~台灣團~自助餐...真係麻麻地...我同老大都要開始食杯面啦~哈哈哈~ 好在酒店附近有間超市, 我地補充左少少糧食, 同埋買左D食物做手信~重有同一班玩得的團友係零下十度左右的環境之下食雪條~哈哈~真係幾CRAZY!!! 晚上9點左右, 我地重有一個活動! 就係上山追光~ 可惜指數唔高~ 等左一陣就冇得啦~ 睇唔到唔緊要~之後重有時間~~ 旅行社安排左個BBQ俾我地!! 先係飲杯野先~ 之後就入去一間小木屋內感受下當地人的習慣~ 營火BBQ~ 燒腸仔食!!! 好好味呀!!! 重有熱野飲!!! 好正呀!! 食飽飽之後就回酒店啦! 第2日天都未光就要出發去碼頭坐破冰船SANPO號啦! ( 我地真係好好彩~唔係團團都可以參加到! 加上哩一日重係佢地重開的第一日! SUPER LUCKY呀 ) 上船後~ 先要聽船員做講解~ 跟住佢會帶我地參觀船上的設備! 遊覽一圈! 之後有個小食俾大家食~最後就係戲玉啦!!!! 冰海上浮冰~~ 哈哈哈哈哈 ~唔知咁講有冇講錯~要穿上特製的保暖浮衣!!雖然識游水, 但開頭都有D驚~同埋好多工作人員係到! 絕對安全!同埋係好難得的經驗~係冰海上浮~人生又會有幾多次呀! 如果各位朋友黎到玩! 真係要一試呀!唔好浪費機會! 上船影出黎的景色好靚~張張都唔同~由冇太陽~到日出~再到太陽高高掛~ 真係好靚呀! 興奮浪接浪~ 下個站係----傳說中的聖誕老人村!!!!!! 哈哈哈! 自從係TBB到睇左翠如BB係聖誕老人村番工之後~ 一直都好想去!! 今次~我終於去到啦!! 一去到! 首先排隊同聖誕老人影相!!! <--要自費的! 但當然都要影啦!!! 就要我地兩公婆同聖誕老人的合照!!! 哈哈~佢好NICE呀!! 又識講廣東話~好WARM呀!!! 哈哈哈! 之後四圍參觀~SHOPPING!!! 買左S字牌水晶~係聖誕老人村的限量版鹿仔2隻! 留念留念!!! 之後去買POSTCARD!!! 之前一早問定朋友拎地址~用POSTCARD做手信!!! 哈哈哈!!! 真係好開心~好似達到兒時夢想咁! 重有重有! 當然去埋南北分界線啦! 影左N張相~放幾張先! ^_^當時係負4度呀~ 哈哈~ 番酒店LU~~~ 我地抽到當晚係入住主樓的! 房入面有個"爽拿"房~哈哈! 好正! 要把握時間用下佢先!!!焗一焗! 爽哂!! 房內的窗係一個大的落地玻璃門!! GD 呀!!! 領隊哥哥好好! 自己約我地十點左右~ 帶我地出去一個空地到睇光~~指數係0呀~ 睇唔到~~ 但係過程幾好~ 大家說說笑笑! 增加了解!~ 不過腳板好冰凍呀!!! >_< 失望而回之後~ 都好唔得閒呀~ 要寫好多張POSTCARD呀! 哈哈! <--聖誕老人村獨有的郵票 第3日~一早就去搵鹿仔啦!!! 好開心!!! 坐佢地拉的車~ 餵佢地! 不過今日好大雪呀~ D雪係打埋黎個隻!!! 手機凍得耐~有D HAND HAND地~~ 同D團友玩得好埋呀~哈哈哈~ 玩掉雪~個個都嘻嘻哈哈咁~ 哩團團友真係好正~哈哈哈~ 好歡樂!!! 之後去番酒店拎房啦!!! 我地當晚有得住玻璃屋啦!!! 我想左好耐架啦!!! 堅開心呀!!! 睇哂出面的VIEW! 嗯~好開心呀!! 拎完房之後~ 就到老大最期待的雪地電單車了!!!! 換上專業私套裝!!! 頭盔!!! 上完堂之後直接出發!!! 我地哩一團~有3個老師跟住!!! 過程絕對安全!! 而家冇諗過咁長時間~ 估計玩左1.5小時!!! 哈哈~滿足哂老大的要求!! 哈哈! 上坡~下坡都有!! 好玩!!!! 之後就去晚餐~~~THEN~ 我地又相約出去睇光啦!!!!!!!!!!!!!!!!!! 今晚終於睇到啦!!!! 重有流星!!! 好幸運!!! 真係好開心!!! 目標達到了!!! 開心開心開心呀!!! 好興奮~凍都唔記得左啦!!!企定定左1個多小時~ 都唔覺時間過~~ 帶住興奮的心情回到玻璃屋~又係好開心~所以都冇點訓~就係望住個天~因為覺得機會難得呀麻!!! 第4日~早上出發去睇冰屋~全個屋都係冰做既!~ 有少許冰雕睇! 之後~就出去市區行下街啦~ 領隊帶我地去左全世界最北的M仔~ 原本幫佢地買野食~ 可以獲贈一張POSTCARD!!! 可惜當日派哂啦~ ( 不過之後領隊哥哥好好呀! 佢下次去的時候~有拎多左~所以佢寄左俾我地呀! 超開心! ) 之後就去對面的商場行街! 好多野都幾平! 平過HK! 最想買手錶~因為真係平~ 但到最後都係留番去機場先! 重有運動用品真係比HK平好多!!!!! 難怪咁多人都係外國買番黎HK炒~~ 好啦~ 下個站就係去玩狗拉車~~ 原本以為有個負責人睇負責拉住D狗車~~~ 點知.... 係我地要2個人一組~咁當然係我同老大一組啦~ 我負責坐係狗車入面~ 老大負責企係車後面控制殺車~ 狗狗們跑得超快!!! 就算老大出盡力殺車~都只係拖慢到少少.. 加上冇LEADER 睇住... 其實個人黎講~有D危險... 個過程真係好緊張~同埋有尖叫... 之後就去睇狗B~ 好可愛!!!! 黎到哩到~~~~之後亦都係我地最幸運的一個晚上!!!!!!!!!!!!!!!! 我地去左間中菜館食晚餐~~點知個老闆請左聖誕老人黎佢間餐廳到坐陣(做PROMOTE ~3小時~ ) 點知就俾我地見到~今次係同佢免費合照!!!! 重可以聽佢發表偉論~超LUCKY~大家都好興奮呀!!! 好啦~ 今晚要離開羅凡尼米哩個地方啦~ 晚餐過後~我地會坐火車一晚~ 出番去helsinki!!! 12月31日就係咁係火車上倒數了!!!!! 好特別的一個倒數!!! <---走廊~~車內的房間唔大呀~有2張床~一個隱閉式的TOILET~ 有一個細窗仔, 我冇點訓呀~就係望住出門個窗, 可能路經好多郊區~~完全冇光害~~ 我就一直望住個天空~ 好多極光呀!! 睇到跳動個隻!! 好正呀!! 好開心!! 去到倫敦機場~又開始SHOPPING啦~ 買香水!!!!! 買袋!!!! 最開心係見到HARRY PORTER 哈哈哈~~ 多謝老大俾左一個幸福的蜜月旅程我 蜜月的結束係代表一生的另一頁正式展開! 希望之後可以同老大再周圍去! 遊歷這個五光十色的世界!
