兼職哩份工~ 7月休息一個月~同家人~老大到處逛逛!!!! 今篇先寫上星期日啦! 個日同老大先去睇帖!!! 填埋D內容, 我地的帖就快將面世啦!!! 時間過得好怏~一個一個月咁倒數~ 好! 言歸正傳!! 當日我地的目的地係長洲呀!!!! 真係N耐冇入過黎玩啦!!! 我地坐MTR 去到中環站急急腳行到碼頭~好好彩呀!!! 趕到3點個一班船!! 如果唔係就要等多半個鐘! YEAH ! GD LUCK! 我好青蛙仔囉~成日以為去長洲要一個鐘! 但係其實只係需要半個鐘! 一去到碼頭~我地決定租間房先~方便去完沙灘之後沖涼洗休息~唔洗同人地迫餐飽!!! ( 由於之前上左討論區睇資料的關係, 知道市價係200蚊左右可以去到7點還, 我地就去問下啦 ) 一出碼頭~ 真係N檔租房公司係到~不停拉客~ 我地都問左一間~佢一開始話要250 蚊~~ 之後我地話: 有冇得平D呀?! 佢就答: 唉~好啦~暑假平唔到幾多~咁就收你地200蚊啦!!! 成交!! 之後就俾鎖匙、地圖我地, 教我地點行入去~ 而好快亦都搵到啦!!!! 上到房! 地方係細! 但係都有個好好VIEW的露台呀! 環境整潔! 有冷氣有電視有雪櫃有抽濕! 的確唔錯!我地快快手手換埋衫就出去行下玩下食下啦!!!! 出到去~ 首先! 老大一早已經講左要食大大粒魚蛋! 好! 我地要左燒汁同埋沙嗲! 味道唔錯呀!!! NEXT! 行行下~見到一串超長生果冰, 老大又忍唔住啦! 雖然 20蚊一大串生果個人黎講覺得有點貴! 但係炎炎夏日的確要食下冰既! 哈哈哈~所以買左一條!! 拍照效果唔錯呀!!!!( 港女MODE ^_^ ) 食左少少野~周圍行下~ 預備行去沙灘啦! 路經愛情鎖, 嘩~真係好多鎖呀!!! 唔洗飛去巴黎啦~哈哈哈! 哩個點都好多人影相呀!!! 唔錯呀!!! 到沙灘啦~嗯~ 好開心呀!!! 真係好耐冇去過沙灘~雖然~今年要做新娘怕哂黑~但係我都係HOLD唔住呀!!! "" 幻彩沙灘仿似我的家 "" 哈哈哈~ 同老大係沙漠慢步~玩下水~玩下沙~影下相~~好開心~開心的時間過得好快!!! 係時候番上去房間梳洗啦!!! 唔洗同人迫~真係好呀!!!! 還房之後~我地去左碼頭一出靠左邊行的一間飯店食我地的海鮮晚餐! 個間飯店係玻璃設計的! 我地坐靠近門口的位置睇哂成個日落~好好FEEL 呀!!! ENJOY!!! 叫左個2人套餐~ 有2個海鮮! 我地選左魚同蟹!! 一個菜---要左通菜鮮油!! 重有一個肉片湯!!! 夏日炎炎當然要啤啤佢啦! 加左支啤酒~我地兩個的確比其他人大食~哈哈哈哈 ~ 食左飯之後~重要行去另一邊街去食糖水!! 減肥?? 咩黎架? ^__^ 9點~就坐船出番中環啦! 輕輕鬆鬆一天... 真係開心... 冇壓力... 周圍行下食下 唯一覺得自己改唔到既係: 步伐 習慣左周圍都趕黎趕去, 完全不自覺在放假的時候把步伐相對的減慢~老大多番提醒: 今日放假呀! 行慢D啦! 嗯嗯! 好啦! 之後我學下! 一個HAPPY DAY 就此完結了~ 期待下個拍拖日!