第一次買有機白草菇，如何處理？問google去......找了些食譜，了解一下，就決定做個白草菇意大利粉，因為最簡單！ 白草菇先水浸一頭半個鐘，可以加些鹽。然後準備一鍋水，燒滾，然後落白草菇，再滾，息火，倒掉熱水，再注入冷水，將白草菇過一過冷河。 當白草菇過完冷河，擠掉水份，力度適當，不要太用力，因為會把白草菇擠爛的。 然後將一個白草菇以do re mi fa 的節奏，4刀切成片，備用。 蒜頭適量，切粒，不要切得太小。 再準備煮意大利粉，水滾後，落意大利粉，滾幾滾，倒掉滾水，注入冷水將意大利粉過一過冷河。 大火燒紅鑊，有牛油落牛油，無牛油落豬油，最緊要適量...... 蒜粒爆香，煎至微焦和出味。 倒入白草菇片，抄一抄，反兩反，等白草菇片微焦和出味。 然後倒入和白草菇好鬼夾嘅蠔油！是但一款就得，最緊要平。根據你的口味倒入適量，抄兩抄，然後小火，讓白草菇片慢慢吸收蒜頭和蠔油的日月精華。 其實蠔油比起May姐的雞汁，（邊個May姐？哈哈哈果位啊！）對食物的美味造假作用，更勝一層，凡是某些大廚要落鹽又落糖的動作，都可以用蠔油代替，仲有蠔味添。 最後上碟，倒上適量的罐頭茄汁，然後仙女散花式，即係象徵式咁撤點香草，再加上一點平得嚟唔係好Cheap嘅黑松露，即大功告成，Yami Yami~
