我是喜歡電車的；搭上它，縱使是本地人，感覺一下子也成了一名港島遊客；左右兩旁新舊的建築，橫空的廣告牌，街道上來往的人流，徐緩後退，電車穿梭中，讓人在百忙急促的生活節奏中抽離。 本來想帶著兩位小朋友搭上一程完整的電車之旅，由西灣河步行至筲萁灣總站上車，到上環總站......不過Lady拒絕，嫌太麻煩了......想昔日Lady陪著我，在盛夏，由銅鑼灣步行到西灣河，今日手拖兩位小朋友，睬我都傻...... 細長的電車路軌像卡式錄影帶，充滿故事，緩緩的車速，搖晃的車廂，令人心境平靜，偶爾搖搖晃晃，叮叮的聲響，或是經過路軌接駁位的一聲聲彭彭，總讓平靜的思緒，泛起了回憶的漣漪。 昔日，家住西灣河時，電車是我最常乘搭的交通工具。搭著它到北角的商務印書館買書看書；搭著它到銅鑼灣商務印書館買水彩畫紙...... 有次，當要落車時，才發現自己身上的毫子唔夠，誠實又臉皮薄的我，漲紅了臉，問了一些車上的人有沒有半毫子借，真天真，今天回想，這根本是不可能是叫借的，當然沒有人借；於是乎，我非常不好意思，可憐巴巴的樣子，跟電車司機說：不好意思，我唔夠錢......電車司機沒有出聲，輕輕揮一揮一個手掌，作勢叫我下車去。 電車司機真係唔該晒！ 話咁快就到左太古，阿邊個邊個話電車慢過人行路？ 舊時嘅大廈隨路而彎，有趣！ 鰂魚涌殯儀館 位於鰂魚涌嘅廉政公署總部大樓。 三輛車駛入電車路軌，尾隨，想點...... 哦！原來係轉線，電車路軌同時為其它車輛所用，阿邊個邊個話電車令道路擠塞？ 「我就是道路、真理、生命。」－－我想天底下，凡是人都說不出咁自負的說話！耶穌說的，耶穌不是人，是神，神話。（利申沒有宗教信仰） 「做好，就係香港精神」？唔知講咩，太抽象，今時今日，實際少少呢：本土，就係香港精神:) 「一叮就到」，一路跟住......話咁快到左維多利亞公園，向左望！ 向右望：中央圖書館 銅鑼灣天橋下的女傭。難得星期日放假，即使係圍坐於天橋底，都樂也傭傭 :) 銅鑼灣這條天橋是應該係觀察，由維多利亞公園出發的示威隊伍...最好嘅地方。 「愛在今天 即是永恆」隔離電車駛過。 銅鑼灣SOGO 銅鑼灣鵝頸橋底－－打小人集中地。 又見Tesla，仲要係紅色:) 灣仔修頓球場 灣仔和昌大押 灣仔福臨門，劉鳴煒個老豆－－大劉成日去嘅飯堂。 金鐘力寶中心 中國銀行和長江集團中心 滙豐銀行－－已被女傭佔領！ 「一叮就到」，一路跟到上環...... 長命要行多步－－唔好亂過馬路！ 上環永安百貨 準備落車，成人HK$2.3，小童HK$1.3，長者HK$1.1，如果昔日有「八達通」嘟嘟，我就不會臉紅......再次多謝電車司機！ 電車尾，上車嘅地方。 上環總站，近觀！ 上環總站，遠望！ 上環西港城！電車之旅完畢！
