搭船入愉景灣，在愉景北商場走了一圈，你會以為去左外國...... 有家Wellcome 惠康座落在愉景北商場，我以為看錯，竟然不是紅底黃，白字： 色調設計和周圍的建築相當融合，甚至令我聯想到同是牛奶公司旗下的另一高檔超市品牌－－ThreeSixty： 當我步入光臨，真係O晒嘴，這真的是Wellcome 惠康？水果蔬菜非常新鮮，點解嘅？點解大家都係 Wellcome惠康，這裡的水果蔬菜新鮮到根本不需要左簡右簡，仿佛每棵菜都認真seo過......價錢仲要差不多。 一眼望過去，光線充足，通道寛暢，所有貨品整整齊齊...... 我一向不敢在 Wellcome惠康 買壽司，但這裡應該是例外...... 紅酒區，種類繁多齊整...... 喜力Heineken 推廣專櫃，搶眼有特色...... 仲有架小朋友購物車，我忍唔住攞來俾城哥坐下......俾錢時，收銀員一臉微笑，同你閑話幾句，見你不是住在附近的熟客仔，當知道我是做網頁設計，seo優化，品牌設計時，仲話俾你知一出口，某一轉角位，有部慳錢機，嘟一嘟八達通，搭巴士就可以慳4蚊，知道我做設計這一行好窮。同樣是 Wellcome惠康 品牌，同樣的價錢......點解層次咁唔同，難道外國的月亮特別亮？我有些不滿，你或許會說，這個 Wellcome惠康 的目標顧客就是中產或是鬼佬；但我不理解，既然如此就不應掛出 Wellcome惠康 這個品牌，而應該用 ThreeSixty 或 Market Place by Jasons 這些高檔品牌，反正都是牛奶公司旗下的超市，要不，就不需要各種不同檔次的品牌。現在，一比較之下，難免令人心情不爽和感覺唏噓！
