「知識可以改變命運」，呢句老生常談經常有人拎黎勉勵年輕人努力讀書。但社會上許多成功既例子證明，往往讀書既多少，同成功未必成正比。當然你立志要成為專業人士，讀大專／大學近乎係唯一選擇。但如果你既志向並不是係成為專業人士，似乎仲有好多因素可以改變你既命運。 我讀左兩年副學士（Hotel Management），然後幸運地升上大學（都係Hotel Management），前後總共花左四年時間，二十萬左右學費，我終於係22歲時得到我既大學學位。 畢業後第一份工作係酒店既一個junior post。有次同部門經理食飯，言談間得知，原來佢十幾歲已經就入行，23歲就升到上Duty Manager（即係近乎酒店operations中最大果位）。作為一個行內人，佢就唔太認為一開始就讀咁多書有用。始終社會、科技不停在變，讀書時書本上所寫既方法，到你真係升到管理層時，好有可能已經變得不合時而。書，唔洗一早讀，而應該係需要時讀。Read the right book at the right time. 40幾年既工作生涯就好似一場馬拉松咁，贏在起跑線又如何，能夠保持速度才最重要。 某啲行業，真係有幾會出現22歲既junior同23歲既manager。知識又會不會係影響命運既唯一因素呢？ 如果時光倒流去當年放榜時，我可能會去jobsDB拎from報名入讀社會大學。
