「唔怕生壞命,最怕改壞名。」名對於比人既第一印象有著舉足輕重既作用,絕不能夠隨便。我爸爸好討厭其他人寫錯我個名,寫錯左同音字的話,原來既意思會無晒。 我既名好普遍,都曾經遇過同名同姓既人。之前我會唔喜歡自己既名,覺得好”行”,但爸爸同我講,係佢既年代,有好多人叫德華,而劉又係大姓,所以有好多個劉德華。但就算係當時,只要提起劉德華,最先諗起既一定係四大天王劉德華。證明左就算你個名再普通,只要你做到最出色既一個,人地只會記得你。 我而家好喜歡自己既中文名,覺得係父母對自己既期望同祝福。至於英文名,我認為自己係對自己既期望。 所以每次聽到啲奇奇怪怪既英文名,總會嚇到抹一把冷汗。 News from: http://hk.apple.nextmedia.com/realtime/magazine/20160605/55162230