投資者定投機者? 總結我哋大部份嘅投資者,都係唔好講投資者啦,叫投機者好過啦,佢地唔係炒牛熊證就炒細價股再勁啲嘅就炒埋賣期貨,根本同每日係馬會出面一班阿叔買波一樣,希望一夜之間發達。 當然運氣好嘅話的確係可以發達嘅,但又有幾多個人真係有呢種運氣?我地到最後買黎買去.........錢就莫名其妙就冇哂。 所以點解我地要學識長期價值投資,因為長期呢樣野係唔需要靠運氣,佢係可以好穩定咁樣上升,亦都唔需要糾結一啲叫做周期性波幅。 就好似自從中國改革開放同香港回歸之後,經濟時好時壞,但整體來講呢肯定係進步,而且係大幅進步。 趨勢 最重要股票嘅發展趨勢係不斷向上升,咩叫恐慌 危機啊 最終呢都只係成為我哋一個向前進嘅其中一個踏腳石,我們就可以講叫做穩賺唔賠錢,甚至乎大賺唔賠錢,呢樣野最少我哋可以睇到係金融體系係會見到,尤其是銀行股。 理念 我哋嘅投資理念其實只係需要好簡單,一搵一間有明確方向公司,搞清楚佢係做咩嘅,之後就搵一個時機,人哋恐慌嗰陣時就買入,最後就慢慢等複利息回報。 總結 投資嘅方法的確係咁簡單,但點解咁多人都唔願意去學呢,因為呢個世界上係冇人願意慢慢變有錢。