市場先生 就係我哋需要將所有嘅資本市場理解成一個,非常情緒化,非常喜怒無常嘅人,佢哋未必可以時時刻刻將嘅股票真實嘅價值反而出嚟 對付呢種人呢我哋就唔好跟住佢一齊攬炒,我哋需要企埋一邊靜觀其變,用一套我哋叫做冷靜嘅邏輯去仔細分析,亦即係話,人多唔好企埋嗰邊,如果唔係就一鑊熟。 再講下家哋嘅香港人同中國人,大多數人都將股票變成買六合彩咁嘅款,買啱咗個號碼呢,咪開心囉,唔中呢就茶飯不思,呢樣野係完全係一種賭博性嘅性質。 引用我身邊好多朋友都會買波買馬,佢哋有贏亦都有輸,有人會爆冷門用幾廿蚊,就贏幾千蚊返嚟,我問過佢哋,其實你地買咗咁多年波到最到後你贏定係輸,結果全部人都係以輸為主,但最奇妙嘅一件事就係,佢哋明知輸嘅機率係百份之九十,但依然堅持會繼續刀仔鋸大樹,或者呢樣野就係佢哋嘅其中一種生活,輸錢皆因贏 錢起。 股票 講返我哋嘅重點,股票,大多數人買股票淨係知道呢個股票個名啦,同佢個號碼。成副身家抌入去,但佢連呢間公司究竟係做啲咩都唔知道,咁同埋六合彩有咩分別呢?六合彩都係一個冇乜意義既數字,但投資係講緊某一樣嘢嘅價值,最主要都係睇佢內在嘅邏輯,即係話呢間公司佢最後可唔可以帶出一樣野就係話可持續嘅發展,但如果好似我對科網股完全都唔識,我會選擇唔買,最重要就係將自己嘅錢放喺自己熟悉嘅商業模式入面,就最好啦。 咩叫做熟悉嘅商業模式? 例如一班小朋友我哋幫佢整一個投資組合,你覺得呢班小朋友佢哋會買咩股票? 我就覺得會買麥當勞啦,因為個個都鍾意食,之後就係Nike,因為大多數人都鍾意着波鞋,甚至乎迪士尼,卡通片呀嘛。 綜合上面嘅資訊,意思就係指唔熟悉佢個方面嘅範疇,就寧願錯過機會都唔好去冒險。 係我生活當中,我啲朋友知道我鍾意食泰國菜,佢哋會推薦呢又間或者嗰間,通常佢哋帶完去一次之後,如果我覺得好食嘅話我都會再帶朋友去呢一間餐廳食,因為我冇理由再去冒險嘗試過第二間餐廳,呢一種已經係我其中一種生活習慣,股票就好似搵終身嘅伴侶一樣咁謹慎,當然啦而家搵一個終身伴侶都唔謹慎,大意思呢就係咁嘅意思。 值得投資同風險投資係完全唔同,風險投資呢就周圍都有機會贏,但係價值投資呢就係要搵一間已經比市場驗證過嘅好公司,就好似我哋最出名嘅藍籌股(,然後就安安穩穩定期買入一手股票,在透過時間增值,自然會有豐厚嘅回報。