我係YouTube都睇過一條片,佢係講一本書從零到一,佢裏面最主要個重點係,企業必須諗到一個辦法係去壟斷市場,因為只有壟斷先可以避開競爭,先可以保證到自己嘅生意天長地久,而呢一點呢就係對一啲長遠投資者黎講,有多一個非常之重要嘅參考因素。 其實我打左咁多字去講大家聽點樣去認清一間好嘅公司,但當你睇中左一間好嘅企業,即係股票,都唔好咁心急去買。因為巴菲特都有一個叫做安全邊際嘅概念,究竟係咩意思呢,就係投資者係願意付出嘅股價,同佢估計股價實際價值之間作一個較大嘅差價,衰啲講一句就係買得更加平,舉個例子啦,係之前有間叫做美國運通,在做開信用卡啊同所謂嘅旅行支票啦,最主要提供國際嘅金融服務,之前有條片都有講巴菲特一直都睇好呢間公司,但係佢死都唔捨得買,都出現咗一件事,就係有一班,只係掛住投機嘅人,成日整埋啲呃人嘅嘢(類似倫敦金啦)結果偷雞唔成蝕渣米,俾人踢爆左,最後一查,個擔保人係美國運通,呢下都知道佢股價瞬間暴跌,不過呢件事仲未夠,唔夠幾日又發生左一個叫做著名嘅肯尼迪遇刺案,成個資本市場就即刻陷入一個非常之悲痛絕望嘅環境入面,不過呢係呢個時候巴菲特就最開心嘅,佢有一句好著名嘅說話,就係別讓恐懼時,我就貪婪。當然啦佢做咗一系列嘅市場調查,發現市民對美國運通擔保呢件事,冇乜太大嘅反應,只係覺得純粹係華爾街有炒作,市民根本都唔在乎。最重要嘅係佢問人哋美國運通支票好唔好用,你仲相唔相信呢間公司,結果大多數嘅市民完全冇收到呢個資本市場嘅悲觀情緒影響,因為一直用開嘅產品都冇乜太大嘅變動而且仲好好用添,之後據說就巴菲特就即刻大手買入去呢一間美國運通公司。結果佢最後緊係賺到笑啦,據說佢個持倉資金就多咗一倍以上。 其實打咁多例子,只係想講出一件事,就係一間公司出咗事又或者緋聞,或者面對一啲系統風險性,你只要冇你開到佢本身嘅價值,唔好對佢核心嘅競爭能力造成影響的話,佢嘅股價就根本俾人低估左,呢一方面係完全可以買。