好多人都會覺得其實買樓仲好啦，升值又快，自己又有得住，其實我哋要搞清楚，啲樓價同股票升值完全係兩回事，股票嘅升值係因為 佢係一種產出型資產，直接講個重點俾你聽啦，即係話佢係源源不斷去產生價值，譬如我今年賣100萬粒燒賣，出年我就賣夠200萬粒，後年我出一款特別嘅燒賣，賣夠400萬粒。 又或者我賣公仔麵，因為夠飽呀嗎，明年我出款大包啲，可以更加飽，令到更加多人，食更加飽，啲人都會因為夠飽就同我買公仔麵，咁呢啲咪係持續不斷去創造一間公司嘅資產。 好似黃金，白銀，佢本身就唔做嘢嘅，只係靠市場嘅波幅黎獲取收益，層樓亦都係一樣，有人會諗我層樓每個月都可以定期收租金，但其實你諗一諗幾百萬嘅樓每個月就係收個萬零蚊嘅租金，呢個產生嘅價值實在太低啦，所以大部份都係抱住一種叫做投機嘅心態去炒樓嘅，呢個就係我哋偉一尊敬嘅巴菲特不太推薦嘅投資方式，因為呢種巨額上漲，只係因為各種政策、經濟環境導致嘅，佢冇辦法長期保持。 我睇過一單新聞，當年有人問巴菲特，你對比特幣有咩睇法，我唔會太睇好，因為佢本身就唔可以生產價值，唯一獲利嘅方式就係睇吓邊個傻仔黎接盤囉。但之後比特幣真係升到阿媽都唔認得，就有人即刻話巴菲特，呢個老嘢，眼光真係好短，有錢都唔賺。結果2018年就狂跌，你班友仔就收爹。所以點解巴菲特賺到大錢。因為佢賺嘅唔係快錢，而係持續地搵錢。 假如 假如而家俾兩個經紀你揀，一個就每一年都可以保持5%嘅年利率收益，另一個呢就一年俾你搵土50%，重點係10倍,而第二年呢都仲係50% 特別犀利呀,但係呢第三你就唔好彩啦 蝕鬼左50%，咁請問你會選擇邊一個基金經理？咁我就覺得大部份都揀第二個，點解呢？因為當你有一千萬，將呢一千萬掉晒入去，第一年即刻賺五百萬，一個字正。第二年都攞750萬 一個字 正，第三年輸咗，冇事，因為前面都賺得夠多但我地仔細計一計。 第一個 1.05x1.05再乘1.05，係1.1576。三年嘅收益率係15.76%，而第二個就1.5x1.5再乘0.5結果係1.125，三年嘅收益率只不過係12.50%，所以我哋一比較你就會發現，直覺原來全部錯晒,睇住五百萬 五百萬係正，其實到最後我地不如細水長流？因為巴菲特都講過，投資最重要嘅事情係唔可以虧錢，因為你蝕左50% 你就需要漲100%啲錢先識返嚟，呢個完全係唔平等，如果你一蝕錢嘅話，就會中斷左個個複利息效應，乜嘢叫做複利息效應呢，愛因斯坦就將複利息比作人類嘅第八大奇蹟。即係你將上一期嘅收益作為下一期嘅收益，就係利滾利滾落去，就好似雪球越滾越大，到最後呢就去獲得一個異常巨大嘅收益，巴菲特嘅成千億身家就係咁樣黎。 其實我哋睇吓我哋香港有好多嘅上市公司，基本上有百份次九十%都係商業模式，從個根低以上黎講呢，就冇複利息效應嘅。因為好多公司可能今年就賺好多錢，但出年呢就又蝕好多錢，所以呢啲行業呢就唔好長期投資價值嘅根底，只可以階段性投機。 仲有好多訂單啊項目型公司，做完呢個項目之後呢就要去搵下一個項目，根本保證唔到繼續搵錢，咁樣嘅模式呢系好難有長期複利息效應。仲有啲叫做重型資產型嘅製造公司，搵搵埋埋都未必夠賠錢，因為機器壞左 又或者廠房廢鬼左，錢都扔左入去，係呢一方面呢就我牽涉到一個概念叫做自由現金流，衰啲講句呢就係你搵埋啲錢扣埋啲資本開支，之後可以自由拎黎用嘅錢，如果賺嘅越多但係洗費越小，最後班股東所支配嘅錢就越多，呢啲公司呢就越嚟越有價值嘅啫，我哋再睇一睇平時中國大陸甚至乎香港嘅垃圾創業板，基本有80%你有現金流嘅都係負錢（即係八字頭嗰啲垃圾股票）裏面大多數都係用一啲叫做財技，即係發放啲消息，令到你覺得呢隻股票會賺好多錢嘅羊群效應。 所以點解咁多人買股票越買越蝕錢就係咁樣，尤其是連續幾年自由現金都係負數，你仲公司呢就唔係創造價值嘅，係毁滅間公司嘅價值，但佢最終嘅目標就係上市佢呃冇知識嘅百姓，因為人係懶嘅，只會聽埋啲消息而去買股票，你冇真真正正去了解呢間公司究竟係點樣去運作，只係知道人哋俾個號碼我，我就去買就係咁簡單。 綜合以上幾點，巴菲特所睇好嘅股票，基本上都係一個叫做快速消費啦同金融嘅股票，金融類呢最主要都係以銀行為主嘅，因為銀行本身就係一個利滾利嘅行業，快速消費嘅，就我所知就係可口可樂啊、吉利剃鬚刀，華盛頓報紙囉，因為巴菲特都有講過，每當我瞓緊嗰陣時，都諗緊全世界嘅男人都喺度生緊，我就瞓得好鬼死淋，因為呢啲都係每個人都每日要用嘅嘢，而且擴張嘅成本都好鬼低。 再攞可口可樂黎講啦，全世界嘅人基本上個個都飲，而且呢種飲品係冇味覺嘅記憶，佢唔似麥當勞，食得多都厭啦，可樂呢你朝頭早飲咗，晏晝都仲想飲，甚至乎有人會將佢當水飲。我舊陣時做地盤飲汽水先有力將啲嘢搬嚟搬去，而且可口可樂嘅經營模式係確定性既，佢根本都唔使搞咩業務創新啊，直接批發賣鬼左就算，但係麥當勞呢，佢某個程度上係係因為平靚正，又平又夠飽又有嘢飲，最重要就係玩具，因為咁樣先吸引到啲細路，啲細路扭計，就會帶埋大人入去。 所以快速消費型嘅企業好處就係咁，首先因為模式簡單，然後啲量又夠大，就算擴張都夠方便，而且每年都有穩定嘅增長，而且價格上面仲有提升嘅能力，就好似一罐可樂只要加價一毫子，咁一年落嚟佢會賺幾多錢呢？當依種量再加埋價格，經過多年累積之後。複利息嘅效應自然就出嚟啦。 經歷 我仲記得嗰陣時睇咗條片，就係講可口可樂呢間公司，嗰個大佬就講過，就算將所有可口可樂嘅工廠比核彈炸鬼左，佢都可以係半年之內做返同樣嘅可口可樂產品出嚟，我覺得點解佢咁自信嘅原因就係，首先佢嘅工作模式係非常之簡單，其次就係呢個品牌已經深入左我哋嘅內心，所以呢都有本書嘅可口可樂傳，講嘅就係點解可口可樂可以成為世界嘅文化，就好似我哋每年嘅聖誕節咁樣，聖誕老人嘅形象都係紅色底啊，新年都一樣。當然最重要都係宣傳啦，佢個宣傳模式 直頭喺美國特殊時期、二戰期禁酒零令同冷戰時期，直接呢就將可口可樂變成愛國嘅主義同美國嘅生活掛鉤，形成一個特有嘅品牌形象。再簡單啲講有一套戲（南京、南京）啲日本仔見到｛荷蘭水｝都忍唔住攞返幾支走。 所以呢度呢你都牽涉到巴菲特一個非常著名嘅投資理念，就係叫護城河，係話一間上市公司喺某個方面，必須有非常大嘅競爭優勢，邊個都比唔上，而品牌就係其中一個，早似蘋果呀 國酒茅台啊 呢啲公司已經唔係賣產品，係賣品牌，依一就係咁多年積累落嚟嘅口碑，所以競爭唔到。而且消費者對呢種嘅品牌嘅認可程度係唔會寫係財務入面，幾間公司同樣嘅 市盈率，一個係知名牌子，另一個根本就唔係品牌，從我哋嘅銀包去睇，入面呢好似冇乜分別，但事實上就差別大囉，因為呢種無形嘅資產好容易比投資者忽略，仲有一點就係將護城河，轉換成成本，就比如蘋果嘅產品啦唔單止賣手機㗎嘛，仲賣埋電腦、I pad I watch,呢啲產品都一套㗎嘛，佢已經形成一種叫做內容生態，幫你用慣左呢個品牌之後，你就好難再換第二隻牌子，或者在簡單啲講 好似Windows咁樣，正常人都唔會刻意將佢換咗佢㗎嘛。呢啲就係轉換成本嘅存在，令到投資者好放心去買佢哋嘅股票，當然啦都有啲特別嘅其他因素，譬如我係用開恆生，但我唔會用恒生嘅交易平台去買股票，因為手續費好鬼貴。 仲有一種護城河叫網絡嘅效應，咩意思呢，好似IG，每增加一個用戶，你可以係關注嘅人，入面你可以睇到嘅內容就會更加多特別嘅資訊，好似大陸嗰啲微信呀支付寶呀美團呀點解前期啲Apps都係瘋狂送錢簿用戶，佢個木的就係想盡快建立一個龐大用戶嘅網絡，等到規模形成咗之後，邊個想加隻腳入黎，都非常之困難。所以按照巴菲特嘅理論，一間公司想長久嘅話，想維持複利息效應嘅話，安安全全喺度滾雪球，就一定要有自己嘅護城河。
