由細到大,我哋喺屋企人同學校個洗腦灌輸下面,要成功呢就係要勤力讀書,勤力啲讀書啦就可以攞到一個好成績,攞個好成績就可以入讀一啲名牌嘅小學啦 中學啦甚至大學啦,然後就有份高薪厚職嘅工作,之後我哋嘅人生就好美滿啦,有錢啦有家庭啦有車啦甚至乎有埋樓,但其實當你畢咗業之後,我哋就會發現其實通街都係大學生,我哋再望一望個樓價,再睇一睇自己每個月嘅收入,莫講話要買樓啦,連養車同埋養老婆都難。 呢個時候你再發現其實屋企人同埋學校老師冇講俾我哋聽,其實由你開始返工,你層樓同你存在嘅距離,係有一段距離,仲要係拋離得好遠嗰隻。其實佢地個諗法呢就冇錯嘅,只不過而家呢個年代同佢呢個年代唔同遮,而家已經唔係勤力讀書,勤力工作就可以致富嘅年代,都唔係再係將啲錢放喺銀行收息就可以養埋下半世嘅年代 我地粗略去計一計,就當你想上車買個單位組織一個家庭咁簡單,又假設你想要嘅單位 ,價值只不過係二百萬,成個結婚嘅開始只係十五萬蚊之內、我的按揭借埋六成啦,成個開支都要成九十五萭,都假設我哋一畢業份工有兩萬蚊月薪,你每個月一蚊都唔用,都要儲47.5個月,即係四年。 如果你平均將會一個月嘅人工用一半,咁你就要儲95個月,即係八年。 你以為八年好短呀?八年之後你仲好後生咩?甘你就太天真啦 我哋一齊嚟面對現實,一般打工仔月薪,扣除先食啦,交通啦,應酬同其他日常開支,仲要俾家用屋企人,你每個月仲剩返幾多嘅儲蓄呢,到你真係儲夠錢俾埋首期啦,我真係恭喜你、你正式成為樓奴,後面左二十幾三十年嘅樓等緊你供,仲有之後嘅生兒育女啦維持家庭開支等等嘅開支,唔好話要發達啦,就連呢啲咁簡單嘅人生計劃都好難達成,其實由頭到尾講嚟講去都係一個錢字。 好老土啲講一句,你不理財,財不理你。 唔係話乖乖地作打份工唔可以,而係工作以外,你唔識投資,唔識錢搵錢,蝕底嘅係得你自己,我地理財投資當然係規劃自己好自己個人財務,管理好自己嘅金錢,再利用我哋嘅投資工具,透過時間,去倍數增長,令我哋比其他人更加快達成人生嘅目標。我亦都唔係話只要你識理財投資就會致富,但如果我哋唔做 ,我哋就脫離唔到呢個呃運。 係呢個年代要上位,要發達都係好難,當然你都可以埋怨,埋怨下政府啊啲地產霸權呀,你年紀再大啲邊個都話得添,將個責任畀晒佢哋。 但老老實實埋怨其實真係冇用,我哋最後都係要面對,我哋喺香港呢個地方生活,或者叫生存,大家都係玩最高難度果一關。 重點就嚟啦,你會選擇繼續挑戰啦,定係繼續埋怨呢。 你想做買到樓嗰個呀,定係冇樓揸手嗰個呢? 你選擇係積極啊,定係消極呢?