好多人都覺得投資同一般平民百姓係冇關係，呢啲全部都係有錢人做嘅事，但其實每一個人都會遇到呢一方面嘅問題，因為我哋必須去搵錢，錢放入銀行就會貶值。我哋辛辛苦苦一年都賺唔到幾蚊雞，但到要洗嗰陣時，我哋就發現錢其實真係唔係幾等洗。所以我哋需要對自己嘅勤力嘅成果負上責任。 講到投資呢，首先我哋要搞個明白，投資到底係放啲咩野呀，有人會講房地產啦黃金啦外匯啦股票啦 基本上咩都有。 但最主要我哋都圍繞着股票黎做一個重點先，好多人都覺得股票淨係識得跌，好似中國成日出新聞，希望利用放水，令到啲股民可以輸少啲，千祈咪鬼跳樓，令到個個都覺得股票一買就輸錢。 好似2018年嘅贸易戰咁啦，大部分人買股票都輸到媽媽都唔認得，但實際情況我哋將個目光放遠啲，歷史上嗰種超級股災、經濟危機同大蕭條，甚至呼到世界大戰，佢到最後都冇影響到股票上升嘅趨勢。都會有人覺得呢啲都係美國同中國嘅市場唔夠成熟啫 如果引用數據講嘅話，好似上證指數由1990開盤到而家，到而家大約28年，用一個複合式嘅收益率，都超過百份之十。呢個係通用，即係話全球所有嘅股市都係單一方向。到最後有人統計過股票嘅資產長期年化回報率大約係6-7%呢個數字啲人就會稱為叫西格爾常量，佢係代表社會平均財富增長嘅水平，點解會咁樣講呢，首先股票本身就包含咗通貨膨脹嘅因素，每一次政府超發放嘅貨幣，都會反映到企業啊原材料話同產品價格上面，就好似我小學嗰陣時食個大快活早餐都只不過係$23雞，依家都接近$40啦（2007-8）。
