上星期我地去左 荃灣新開既「Plaza 88」 (荃新天地2隔離) 行街，因為入邊開左全港首個海洋探索體驗館🐳🐋🐬🦈，入面有過萬呎既海洋主題專區🤩，集海洋教育、家庭娛樂同埋特色餐飲於一身 。呢個海洋探索體驗館，一定會成為親子消閒必到既人氣熱點😽，所以穎霖爸放假就一齊帶穎霖黎打個卡先 🤩海洋探索體驗館入面結合左真實既海洋生物同埋多媒體互動遊戲，原先穎穎都怕好悶🤔，因為佢覺得應該同主題公園一樣，但係入到體驗館邊睇邊玩互動遊戲，一D都唔覺得悶，仲覺得時間唔夠問我可唔可以唔走人主添😂講返當日，我地參加左館入邊既導賞團，一入場就見到 《光影海洋觀景窗》 🐡🐋，佢結合左真實海洋生物同埋投影效果，又靚又好睇，就好似睇緊動畫咁。 黎到 《水母學堂》，導賞團姐姐就講解左好多關於水母既知識🤓，仲帶我地睇左唔同既水母，原來仔細睇🧐水母都有唔同既型態架，最估唔到既係 水母原來同珊瑚一樣係唔識游水架😲，而佢地既土壽命都相當短既。我地入到 《夢幻水母萬花筒 》，入邊將真實水母融合五光十色既燈光鏡像 ，令到四方八面折射出無數既水母影子，就好人以企左係萬花筒入面咁，真係好壯觀，但係行既時候就要小心喇。 最後就黎到《水母實驗室 》小朋友可以係研究所入邊近距離觀賞水母餵食同埋水母既生長過程，原來水母同蝴蝶🦋好相似架，點解? 咁你地就要去聽下喇。🤫完左個導賞團，我地就玩埋 《VR海洋探秘之旅》 ，係 #虛擬現實，我地4個化身為魚仔🐟🐠，係水母既庇護下係大海闖蕩。亦都係 #創新混合實景，我地入左水底見到海豚🐬，鯨魚同埋鯊魚等海底動物左近遊走，仲可以摸 #摸海豚 🐬同埋聽水母唱歌架。 最後黎到 《海洋樂園》 係一個遊樂區加餐廳🍨🍧，呢個係全港首個結合左玩樂同埋 #海洋保育 #學習 既遊樂設備，小朋友可以通過 #體適能挑戰 #放電，又可扮演 小魚係水母傘下探索學習。玩到攰，就係餐廳叉電，最吸引小朋友一定係有 #海洋特色 、 造型繽紛既海洋主題雪糕 喇，咁多野玩，都難怪穎霖都唔想走🤣點擊圖片放大 +9 浩海立方•探游館 Cube O Discovery Park 荃灣楊屋道88號「Plaza 88」8樓。 👉🏻1日分4節時段 👉🏻1節2小時 更多浩海立方探游館資訊，可到以下網站查詢 https://www.facebook.com/cubeodiscoverypark/ #親子好去處 #認識海洋 #荃灣新地標 #海洋探索體驗館 #浩海立方探游館 #浩海立方 #荃灣 #楊屋道 #海洋知識 #親子活動 #親子 #CubeODiscoveryPark #Edutainment #放電學習 #FamilyDay #與水母同游 #邊玩邊學 #荃灣親子好去處 #海洋生物 #教育 #coolhkg #穎霖周圍遊
