點擊圖片放大 +2 事源呢間我之前叫外賣覺得麻麻，但佢轉咗手之後，啲人又話堂食唔錯啵，咁就要試試佢，睇吓係咪真係好味喇～以下全部叫小辣，食起黎係香嗰種，唔會真係辣～😋雞全翼（2串） 🌕🌕🌕🌕🌗38hkd雖然唔係靚雞翼，但燒得外脆內嫩，入味又惹味。😋娃娃菜 🌕🌕🌕🌕🌕 13hkd*2超級軟淋又入味！勁重辣椒粉同孜然粉味。完美。😋雞皮 🌕🌕🌕🌕🌕 13hkd*4外脆內嫩，完全唔會乾！而且非常入味。超級高質！😋蒜蓉花甲 🌕🌕🌕🌕🌗 58hkd花甲未到最新鮮、唔夠飽滿，但勝在調味超級無敵好，加上份量大，又唔會有腥臭味，完全搭救倒。😋鹽燒白鱔魚（串） 🌕🌕🌕🌕🌕 48hkd*4單睇外觀以為overcooked，食落係外脆內嫩（見照片）又入味。😋厚切牛舌心 🌕🌕🌕🌕🌑 38hkd*2其實係厚切牛舌，但超級大份，完全食唔晒，要打包走。😋翠玉瓜 🌕🌕🌕🌕🌑 15hkd*2多汁、嫩口，又入味，不過家人叫嘅沙嗲汁係冇沙嗲味，下次都係叫返原味（孜然+辣粉）算。😋王老吉 🌕🌕🌕🌕🌕 10hkd雪櫃夠凍，好味。😋可樂 🌕🌕🌕🌕🌑 12hkd雪櫃夠凍，但可樂罐撞過，略嫌唔夠氣。二人享用，連加一，人均💰286hkd。味道 🌕🌕🌕🌕🌗服務 🌕🌕🌕🌕🌕店員唔太識粵語，但態度殷實，而且店內清一色正體中文同粵語中文。環境 🌕🌕🌕🌕🌑性價比 🌕🌕🌕🌕🌕其實食第一轉大概240hkd嘅時候已經飽，但因為太好味，家人叫多轉，最後食唔晒，要打包走，但外賣盒佢冇加我地錢，仲貼心幫我地pack好添。回頭率 🌕🌕🌕🌕🌕#串燒居酒屋 #串燒🍢 #四川菜 #尖沙咀串燒 #佐敦美食 #佐敦串燒 #川味 #花甲 #重口味 #濃味 #孜然
