好多家長都會有個錯覺就係只有DSE 學生先要補習,因為考試難,入大學率低。事實上,IB學生,尤其係最後嗰兩年,基本上課餘時間,都係喺補習社度過。令人更加驚奇嘅係,唔好以為淨係香港學生先識搵補習,外籍學生如白人,印度學生,都係IB補習嘅常客。 筆者仲記得前幾日,同一個喺聖士提反就讀嘅學生家長會面,家長一入嚟就大呼驚奇,(好多時候家長自己喺無去過間補習社,因為通常都係IB學生自己搵,家長就負責畀錢,佢同我講「我以為Local先補習,咁多International嘅?」 , 初頭我以為家長嘅意思係,我以為你哋呢度淨係補DSE,竟然咁多國際學校學生嘅, 咁我當然立刻澄清番,「我哋Hkexcel淨係補國際學校,唔補Local DSE㗎,所以全部都一定係International School嘅學生。 家長就話,「我知你哋係專補IB,我嘅意思係呢度好多外國學生啊,我以為淨係香港學生先補添!」由此可見,IB補習嘅風氣唔係只限於亞洲學生,但係你會問點解?已經避開咗DSE,讀IB諗住可以輕鬆啲,依家又要同人鬥餐死先考到入大學?如果入唔到大學,使咗咁多年國際學校嘅學費,咪全部白費? 首先,IB學生真係有人入唔到大學嘅,當然比例唔多,但係最後入咗HKU SPACE(非學位課程),或者IVE專上學院,係真係有嘅。不過,大多數IB學生,尤其去補習嗰啲,目標係最高學府,因為佢哋唔係想入大學咁簡單,係要入最Top嘅大學,咁就梗係要爭!牛津劍橋,最低IB分數講緊40/45, 三科高等科目(HL Subjects)要求係776, 仲要面試同埋寫Personal Statement。如果喺英國讀專科,仲要考Aptitude Test,例如法律系就LNAT,醫科就UKCAT或者BMAT,講緊係額外考試,即係除咗讀IB,仲要考多個試! 喺短短兩年,學生有6科要讀,過萬字嘅Essays,真係辛苦嘅。唔想考額外考試? 可以考慮香港嘅大學,不過要求比劍橋仲高。報讀醫科,IB學生一定要至少44/45 嘅預計分成績,先至有面試機會!最後條件取錄仲要43分先會收,法律系競爭就無咁大,但係IB至少都要有40分先有機會入到港大中大。就算唔係專科嘅,最受IB學生爭奪嘅一定係環球商業管理GBUS,IB起碼要42分。所以,如果你勢必要爭入呢啲最高學府,額外嘅操練同閱讀係必須嘅,而我哋一直相信,成功最快嘅方法,就係搵一啲之前喺同一條路成功嘅人,向佢哋學習同取經,你一樣可以攞到同樣成績。套喺IB上,同學就千祈唔好求奇搵個老師補IB,例如你見到補習老師用緊份DSE卷教你,你問佢IB份卷有幾份Paper,點計分,就口啞啞嗰啲,真係咪幫襯,因為IB嘅Predicted Grade預計分考試,係非常重要,衰咗就無得重頭嚟過!