有D粗心大意、有D燥底 妳同佢明明係情侶又好似Friend咁 會一齊爬山 一齊潛水 一齊去旅行 但係永遠唔知幾時會講咗一句「撻著」佢嘅說話 妳同佢好似總係有D莫名奇妙嘅相似 人哋永遠會以為你哋好sweet 但妳心裡面知道根本唔係咁 當朋友問到 妳通常都答： 「哎！我哋一齊去過長途旅行係好難得 但係當佢發憫憎果時，真係想即刻一腳伸佢返香港嫁」 但係問心 旅行過後 妳係有小小受佢影響到 但妳亦知道 佢係完全唔會改變自己 你哋都好享受呢種互補不足嘅感覺 一方面有情侶嘅互相依賴 但另一方面又好似冤家咁互串嘅感覺 直到一日妳同妳嘅閨蜜姊妹去旅行 妳會發覺： 「哎！原來我好習慣同佢呢條麻煩友去旅行」 但係好可惜妳已經上咗飛機而失去咗一次同佢講多謝嘅衝動 你只好繼續同班friend行街幫佢哋㨂衫 得閒whatsapp張selfie俾佢 佢得閒 佢得閒又會回贈妳兩個藍剔 但係你兩個都知 其實有d野係唔同咗 難得再一次HKExpress又做Mega Sale 妳又可以有藉口話買到平飛手拖手一齊坐飛機。。。 隔左一兩個月 妳睇番iphone 見到張旅行相 記得兩個又為咗坐車定行路而嗌到面紅耳赤 記得妳背囊太重未開聲佢已經袋晒妳所有重嘅野 妳微笑 妳流淚 原來妳已經搵到妳要搵嘅洪永城 Facebook專頁： https://www.facebook.com/iamnotabackpacker 照片攝於・智利巴塔哥尼亞國家公園
