Hello!! 原來我冇打BLOG甘耐啦又哈哈!! 呢兩個星期都係同朋友出街食飯同埋不停有D工作上既煩惱...如果大家仲記得 (又或者可能你第一次睇我打BLOG) 其實我係岩岩出黎做野架喳...冇錯呀, probation 都未過架...人事關係同老闆複雜到一個點呢... 大家祝福我啦, 希望之後順順利利... 話說我之前因為工作上既關係, 我去左灣仔既SPCA...做完野之後我去左睇小動物... 記得第一次係SPCA探狗係係西貢, D狗仔好乖仲好驚, 大部份都係唐狗BB, 好慘...我諗主要都係流浪狗(掛??!) 我以為去到灣仔都係甘樣, 多數會係唐狗或流浪狗...點知... 個到D狗見到你狂吠...每一隻都係...睇得出佢地既不安同恐懼...佢地直頭係怕人... 一行入去...見到既有金毛有雪橇仲有好多其他...大多數都係中型犬同大型犬!!! 個個見你行埋少少都好驚...真係好心痛...我希望大家一定要係養動物之前要考慮: 1. 自己係唔係有足夠既金錢去養佢地 你所需要既錢唔單止係買佢地反黎既錢同埋糧食既錢, 仲有睇醫生既錢...你要當佢係一個人甘去諗...動物都會病...會有長期病患...一定要知道自己有能力去養佢地... 2. 自己住既地方係唔係有足夠既空間養動物 如果你本身擁有一間屋並且容許你地讓寵物甘我都替非常高興...因為相比其他人你一定能夠提供一個安定既住所比佢地... 至於租屋個D, 養寵物前一定要諗埋將來係唔係搬屋都會考慮埋小動物, 佢都係你家人黎架! (我絕對唔係睇唔起大家, 我自己本身都只係住公屋, 請見諒!) 3. 家人/同居人既睇法 同你住埋一齊既每一個人係唔係都接受到佢? 會唔會因為養寵物而鬧夜到最後都係要拋棄佢? 一定要問清楚! 4. 自己養寵物既心意 - 一生一世既約定 請係決定養寵物前三思再三思, 你到底可唔可以每日花時間陪佢, 照顧佢 (餵野食同清潔大小二便) 佢老左行都行唔郁, 唔再好活躍既時候你會唔會工作再忙都唔會離棄佢?! 呢個係一生一世既承諾! 唔好去到自己負擔唔到既時候拋棄佢地, 佢地係一個小生命, 如果你接受得佢, 佢就係你既家人, 同伴, 朋友...要記住, 佢地既生命好短, 佢絕對係你生活既一部分, 但你絕對係佢生命既全!部! 最後如果大家真係諗清潔以上既野而又決定養寵物, 我衷心希望大家支持領養...個D冇良心既商人每日迫D狗仔不停生不停生, 生到有病又生, 死左又搵第二隻代替! 以下既相全部都係SPCA等待領養既毛孩, 貓同其他寵物影唔到, 只有狗狗既相..希望佢地快D有自己既家~~~ 點擊圖片放大 +11
