其實我係一個幾鍾意睇漫畫既人黎，當然唔係漫畫迷，但大熱個d都會睇…最主要吸引到我既係：主角白痴得黎熱血，信任隊友，無條件幫助人，就算個個人做錯事都唔放棄佢，有不屈不撓既精神。 今個星期比我無啦啦發現Bleach死神正式出手遊！！！唔係中國版個隻，係日本推出既 3D動作遊戲！二話不說立即DOWNLOAD！！依家我已經玩左幾日，我十分推介大家玩。 死神Bleach絕對絕對係我最喜歡既漫畫之一，男主角唔洗我介紹都知係黑畸一護。相中既一護已經去到後期拎幼刀同學識必殺（月牙天衝）既造型。 遊戲係以原作漫畫內容進行闖關模式。遊戲係由一護見到虛（故事入面既怪物）遇到朽木而成為代理死神開始玩，我未玩到最後所以唔知個game做到去故事邊到，但係可以玩哂成個故事模式的確好吸引。仲可以重溫反好多情節！^田^ b！實在太好啦！ 呢個同以往既日本game差唔多，以白貓為例，基本上抽人物同進化都好似。最唔同既係BLEACH 死神 Brave Souls 係雙手玩。個人黎講覺得好玩好多，唔知係唔係自己打開playstation所以覺得雙手係好玩好多。 由於我太鍾意BLEACH呢套漫畫加上我等左好耐終於有隻岩自己玩既手遊，我一於介紹多d先！ 一入到個game到就會見到你自己編成既team，全部人物都係Q版架 XD 你仲可以左右轉個人物。最特別既係佢每個人物都有用反動漫既聲！就好似我抽到白一護甘，佢跟足動漫（個種似重疊既聲）配音，我覺得好親切。 故事闖關模式。我仲係死神代行篇，姐係第一篇呀哈哈哈～～右下角係限時既任務（白貓都有） 打個陣會有唔同既招式 ，仲可以隨時轉隊員。因為我CAP少左圖，所以係網上DOWNLOAD左落黎。 組隊頁，可以用反自己最鍾意既角色。（冬獅郎係今日抽中架！！） 撳入角色到可以睇到哂所有DETAILS，仲可以進化。 增加角色能力～ 去商人用靈玉抽角色，五星為最高級。靈玉透過進行唔同既任務就可以得到。 介紹黎到呢到，唔知有冇人會有興趣呢？呢隻game製作真係好用心，聲，畫，內容我都好滿意！如果玩既話加我啦嘩卡卡卡卡～～～（如果你睇到黎呢到我諗你都對BLEACH有一定既認識同興趣）
