大家好～～今日係星期五啦！大家過得好嗎？介紹多次自己其中一個喜好先…就係：食！ 好！同大家分享下我今日既早餐！ 登登登登！係媽媽係Simplylife買比我既 Bacon & Egg 呀！（啖左一啖仔先記得要影反張相）叮到個包好硬，所以搞到冇甘好食！但就算唔係叮我都唔覺呢個包值四十幾蚊.......媽媽對我太好啦…因為知我反工唔開心就為左我有個好食d同我鍾意食既包做早餐都買甘貴比我…（雖然佢有私心，自己好鍾意Simplylife）多謝媽媽…但太貴啦～同我講句比心機就得架啦！！ ;-) 中學個陣係Simplylife做過，唔知你地知唔知呢？Simplylife係美心旗下架！如果唔係做過Part-time真係唔知 HAHAHA! 中環個間下午同晚上係有一盒盒晚餐買…我試食過我覺得咕嚕肉幾好食架～如果你係ifc反左好多年又有成日食，我應該幫你裝過Salad或者飯盒…哈哈哈…下次再講多d 反 Simplylife既事 講反轉頭，尋日冇update到blog （我知係冇人睇哈哈哈哈）個原因係出左去同朋友食飯，反到黎都成十一點。 自從來左工之後，我唔再係晚晚過十二點訓都仲好有精神既年青人 :( 明明d人話後生個陣做通頂都得…但我依家出去食個飯都覺得好攰 不過，自從反工後都明白到一件事：家人同朋友對我黎講好重要。 原來出到黎做野先知道真係唔會再有人就住你或者好好甘同你一齊做一件事出黎（可能我甘岩入到一間甘既公司啦，如果有好好既teammate既公司記得介紹我去做marketing）仲有，就算你好用心去做，做到當個生意係自己甘去做都好，係唔會有人欣賞你～你以為你做主動幫左人先就會有人幫反你？唔係架～個問題都係掟反比你！ 不過都好在，公司入面有一個同我諗法差唔多，大過我五年既同事。我覺得佢好好傾！如果唔係我應該爆左！ 所以大家都要珍惜朋友，得閒就出下黎食飯～有時你唔知你幾時要人幫～～ 你同唔同意先？晚安！
