小丸子今次黎到一間好有懷舊feel嘅冰室, 又係充滿驚喜嘅一餐~有時出街食飯都唔一定要大魚大肉先好味, 我就中意周圍去搵好野食好西~ 2個人一共嗌左一個小食, 一份蛋治, 一個麵同一杯野飲, 已經好飽, 不過食完呢餐都仲要留個位食糖水點擊圖片放大 肉夾饃 呢個包煙煙靭靭, 入面加左肉燥真係好好味, 特別係個汁配合得非常好, 好香口! 不過個包一定一定要快啲食, 如果唔係凍左就會變硬~ 黑松露炒蛋多士 個蛋炒得好滑, 而黑松露亦放得剛剛好, 一啖炒蛋再加一啖黑松露 Yummy!!! 芝士豬頸肉撈丁 由於一落完order, 啲野食係5分鐘內同時送上 (極有效率), 所以小丸子最尾先食芝士撈丁~係食嘅時候啲麵已經乾左少少, 好彩個麵唔係太多, 如果唔係加埋咁多咁多芝士真係好滯~而個豬頸肉好唔似豬頸肉, 個口感有啲似叉燒味 另外呢個麵再送多一塊芝士方包, 不過實在太飽, 同食左好多包, 所以都係食左表面果層芝士就放棄左 飛仔華田 好濃郁嘅華田, 入面仲要放左勁多cream, 完全係一杯極度邪惡嘅飲品~上面仲要放左好多粟米片同朱古力脆脆, 正正岩哂我心意!!! 老鳳冰室 深水埗基隆街216號地舖