細細個就聽過小白鷺，不過一直都無機會去😆 同朋友一早BookMark咗「Billow餐廳小白鷺」，但星期六日真係一位難求，佢每7️⃣日前就會開始預約，我哋搶唔到晏就位Book到夜晚，不過撞正禁晚市，餐廳比我哋改期優先Book到晏就食💥 點知果日撞正落雨，附近環境幾靚但食完都無機會去影相，好浪費！想食中菜嘅朋友可以試吓餐廳旁嘅「Lake House」高級中菜廳「LeVow 金鷺湖」，一樣有靚景！ 餐廳室內位就比較普通，無咩特別，而我哋坐呢個戶外位真係好靚，望到湖景而且空間夠大，有一種好嘆嘅感覺😗 但呢個位只限時7️⃣5️⃣分鐘，食得好趕，絕對無可能慢慢食慢慢傾慢慢影！ 食物方面質素同一般Cafe差唔多，除咗個牛肉漢堡係唔錯之外，其他都無果種umm好好食嘅感覺😆 而佢個Tiramisu 真係有待改善，建議大家去試下之後討論下，唔需要大太期望，只要抱住去食環境嘅心態就唔會失望😆 精選幾樣價錢比大家參考，人均$500，覺得小食同甜品偏貴，午餐就還好嘅👇🏻💰美國安格斯牛扒 日本青森縣雞蛋 $268💰牛肉漢堡 車打芝士 煙肉 薯角 $198💰海骼燴意大利飯 北海道帶子 墨魚子 $268💰黑松露薯條 $78 💰Tiramisu $118 📍小白鷺餐廳交通︰有免費接駁巴士來往白鷺湖互動中心至大埔墟及停車場🔍地址︰大埔大埔滘紅林路2號白鷺湖互動中心地下B號舖更多同食玩買資訊︰📲IG︰iamhungryah📲FB︰iamhungryah📩 EMAIL yukiloklmy@gmail.com
