對上一次入西貢已經係五年前，今次趁放假嚟行吓，順便去前排新開嘅西貢海下遊客中心朝聖🤪呢個遊客中心有富有日系風情，不過位置偏遠，需要喺西貢市中心再轉小巴入去，真係有種學生去秋季旅行嘅感覺🍂 話就話係遊客中心，但感覺好似日本傳統村莊，藍天配草地，真係好舒服🌥️ 個人最欣賞係佢個廁所，塊鏡望到後山一大片樹林，有種融入咗大自然嘅感覺！ 🍙大家怕肚餓可以買定小食、飯團入去休息、欣賞景色嘅時候食，區內亦有飲水機同埋加水站，但記得唔好亂拋垃圾⚠️遊客中心大家半個鐘內就可以睇哂，影完相之後可以搭返車出市中心，或者行10分鐘去海邊，咁就一日啦🌊📍海下遊客中心地址：海下灣海岸公園海下路開放時間：9:30am至4:30pm（逢星期二休館）交通︰西貢市轉專線小巴7號線到總站海下遊客中心海下灣屬於禁區，車輛需有駕駛許可證先可以進入⚠️出到市中心緊係要食餐好！最近天氣開始轉涼，坐戶外都唔覺得熱啦！海傍廣場有好多唔同嘅Cafe、餐廳，大家可以慢慢揀🤪 💰牛油汁白酒大蜆意粉 $148蜆同意粉份量都唔算好多，但個汁又幾夾，食落幾開胃另外仲叫咗個冬陰功海鮮意粉，賣相差唔多就無影啦，但少少辣都幾正 💰口水多過浪花 $58呢杯飲品好清新，雖然都係甜但係可接受嘅！由茘枝果汁、薄荷葉、青檸、雪碧調製而成，唔知點解有種好襯西貢呢個地方嘅感覺！ 💰莎樂美腸菠蘿薄餅 $88呢個Pizza超驚喜🍕🍕因為佢芝士夠多，而且個醬好好食，必點 📍Orca地址︰西貢西貢海傍廣場1號兆日大樓A座地下3-4號舖食飽之後可以喺市區行吓，行到餓又可以食返個西貢勁出名嘅葡撻！雖然賣成$15一個，但撞正佢新鮮出爐，點都要試下啦🤪 點知真係好好食，唔係KFC質素 ( 個人覺得KFC我已經唔錯😂 )，呢個更酥更有口感！ 📍西貢咖啡餅店地址︰西貢海傍廣場2號金寶閣6-7號舖地下更多同食玩買資訊︰📲IG︰iamhungryah📲FB︰iamhungryah📩 EMAIL yukiloklmy@gmail.com
