星期日中午，牛夫人同友人又揸車去清萊Kok River旁邊既The Wanderer Café & Restaurant。呢到係當地人既熱門chill遊勝地，有唔少私家車要泊到出小路。 穿過種滿植物既走廊，繼續置身叢林之中，加上周圍不時有霧水噴灑，好似去左仙境一樣！ Cafe範圍好大，室內室外任君選擇，喺櫃台點完餐可以出叢林搵位坐，職員會專程為你送餐。 肥嘟嘟既貓咪懶洋洋瞓喺收銀台上，摸佢都懶得理人呢！ 牛夫人走左入一間開放式既有蓋玻璃屋坐，事關天氣炎熱，又無冷氣，只有大風扇，真係「大汗踏細汗」，不時亦有唔少昆蟲同你打招呼。 從Cafe周圍既佈置看得出店主非常熱愛大自然，讓客人一同融入當中。 牛夫人同友人點左兩份Egg Benedict with Salmon，Iced Americano 同Iced Chocolate。 Egg Benedict with Salmon一切開啲蛋漿湧出黎，眼睛好治癒的說！而且味道都唔錯，推介！ 熱選椰子蛋糕 一食難忘 食完Brunch意猶未盡，企喺蛋糕櫃前十五十六之際，職員推介我地試熱門既Young Coconut Custard Layer Cake，喺蛋糕面上加上杏仁片、糖漿同埋小花裝飾。 果然無介紹錯，連唔太喜歡椰子味既友人都表示無抗拒！ 趁食完甜品仲有時間，牛夫人又同友人喺cafe四處影相啦！ The Wanderer Café & Restaurant 地址：537/1 Moo 4, Rim Kok, Chiang Rai 57100 Thailand (地圖) 電話：+66 63 932 3956 IG @iamcowslady
