牛夫人喺設計旅程既時候，幾乎每個景點都拜訪附近既cafe，驚死自己會餓親咁。由翠峰茶園返清萊市中心約50分鐘車程，玩到咁攰，擔心揸車會恰眼訓，特地加插中途站，黎呢間位於山上既Hacienda Coffee House & Restaurant。 幾經「波折 」抵達目的地，可能第一次黎，感覺cafe門口唔太起眼，好似私人地方般被圍牆包圍，正門前係半露天停車場。 餐廳門外有一個種滿綠色植物既庭園，牛夫人同友人徘徊好一陣子先捨得走進餐廳呢！ 女僕接待 包場任影 拉門而進就有兩位穿著女僕侍應接待，環顧四周，怎麼只有一枱客人？還問清楚是否快打烊了！（餐廳晚上8點關門） 未幾，牛夫人同友人又唔覺意包場啦！餐廳隨處可見各式各樣田園風既餐具同擺設，而且仲擺放著聖誕樹呢！有趣！ 可能有點累氣，起初牛夫人被網上搜尋既甜品相片吸引著，最後都無試到。加上價錢亦未稱得上便易，只點了吞拿魚沙律、青咖喱豬肉同燒雞扒。 份量唔算多，味道一般。 後來發現餐廳另一邊有一個超大既陽台，可以望到山景，相信白天既境色唔錯！建議有心黎呢到打卡既朋友可以白天黎，食住甜品影靚相啦！ 自駕遊小提示： 起程點 - 翠峰茶園 目的地 - Hacienda Coffee House & Restaurant 車程 - 30分鐘 沿著拍鳳裕庭路（貫通清萊南北既主要幹道）一直南下（車程約30分鐘），由於目的地位處喺公路逆方向既山上，所以差不多到附近位置，要留意Google Map提醒，需要靠快線行，喺指定路口U-Turn啦！ 但駛入小路之後，就要加多留意一下旁邊既指示牌，牛夫人太過依賴Google Map反而兜錯路呢！兩個女仔喺荒山野嶺搵路，加上當時天色開始昏暗，真係有點驚同緊張！ Hacienda Coffee House & Restaurant 地址：333 Moo 3, Soi 2 Banmaekowtomthasud | Tha Sud Subdistrict, Chiang Rai 57100, Thailand (地圖) 電話：+66 89 686 3354
