旅程既第二日，牛夫人同友人去Chivit Thamma嘆完brunch同參觀藍廟之後，就開車去泰國數一數二有名既茶園 - 翠峰茶園啦！ 旅行自駕遊的好，莫過於可以彈性安排行程，以有限時間去勻晒想去既地方！ 由清萊市中心去茶園大約50分鐘車程，路程較遙遠，但大多數係直路公路，一點都唔難行！當日天氣時好時壞，但絕對不枉此行！ 茶園入口附近有個似乎唔合比例既公雞、風車同草莓擺設，再過幾分鐘就會到目的地！ 由茶園入口駛上cafe既路可謂「又越過高山又越過谷」，相信好少人會徒步上cafe吧！沿途都被茶園包圍，感覺自己真係十分渺小！ 去到茶園已經下午4點，人家5點半打烊，要抓緊時間啦！網上查過資料，茶園有兩間cafe，分佈於兩個山頭，我地選擇左最近既一間（上圖，Google map上顯示為Choui Fong Cake 1）。 Choui Fong Cake 1停車場位於該山頭最高處，可以望到另一間Choui Fong Cake 2（上圖，棕紅色的建築物）；旁邊就係cafe既天台，可以飽覽整個茶園既景色。 剛才還感覺自己好渺小，呢一刻，「大地在我腳下」既感覺又返返黎啦！哈哈！ 下層既cafe有半露天或室內座位。 牛夫人推介 抹茶必食之選 走到蛋糕櫃視察一下，幾乎都係抹茶甜品，不得了！除左蛋糕，仲可以選購冷熱飲品或砂冰。 絕不能錯過既係Green Tea Cheese Cake（下圖，右），芝士味濃也能帶出綠茶香味！而Green Tea Fudge Cake（下圖，左）味道較清新，蛋糕口感軟棉棉！ 喺泰北可以食到有水準既抹茶甜品，對於抹茶控既牛夫人黎講，簡直係驚喜！ Cafe既另一角落係手信鋪，有各式各樣既產品，黑茶、綠茶、烏龍等等既茶葉、茶包，仲有精品可以選購！ 襯仲有時間，牛夫人又抓緊magic moment去影相，實行擁抱茶園啦！雖然已經係下午5點半左右，但仍然熱到爆汗，加上剛剛灑左一場雨，踩喺腳下既都係濕「立立」既泥土。所以說，影相係要付出代價架！ 駛往茶園出口沿途風光都好美好，有意想去茶園影相既朋友，建議要早少少出發，因為茶園真係大到可以盪失路。時間關係，牛夫人又準備向下一站出發啦！ Choui Fong Cake 1 地址：Pa Sang, 湄占縣清萊府 57110泰國 (地圖) 電話：+66 53 771 563
